24 Korrik 2019

Binjakëzohen shtatë shkolla të Gjilanit me shtatë shkolla të Bursës së Turqisë

Gjilan, 16 prill – Komuna e Gjilanit ka shënuar edhe një hap përpara në zgjerimin e bashkëpunimit në sektorin e arsimit dhe njëkohësisht krijimin e urave lidhëse mes shkollave të Gjilanit dhe atyre të Komunës së Bursës në Turqi, kështu që sot kanë bërë binjakëzimin e tyre, ka njoftuar drejtoria e Arsimit në Gjilan.

Drejtori i Arsimit në Gjilan, Nazim Gagica, ka thënë se është bërë binjakëzimi i shtatë shkollave të Gjilanit me shtatë shkolla të lëmive dhe natyrës së njejtë të Komunës së Bursës.

“Së bashku me drejtorin e arsimit në Bursa, Gürhan Çokgezer, kemi nënshkruar marreveshje binjakëzimi mes shkollave tona me qëllimin që nxënësit dhe mësimdhënësit të bashkëpunojmë për ngritje të cilësisë në mësim, shkëmbimin e përvojave, por edhe krijimin e bashkëpunimit në fushën e zhvillimit të projekteve të përbashkëta”, ka thënë mes tjerash drejtori Gagica.

Për ndryshe, Komunat e Gjilanit, të cilat kanë nënshkruar marrëveshjen e binjakëzimit janë Gjimnazi Shoqëror “Zenel Hajdini”, pastaj shkolla “Abaz Ajeti”, “Sadulla Brestovci”, Vatra e Diturisë, “Zija Shemsiu”, “Nazim Hikmet” dhe Shkolla e Mesme Profesionale “Arbëria”.

Kalendari

Ngjarjet e datës 24 korrik 2019

- Drejtoresha e Misionit të USAID-it në Kosovë, Lisa Magno, do të dëshmojë nënshkrimin e Memorandumit të Mirëkuptimit me 14 komuna të Kosovës. (Hotel Emerald, ora 10:00) 

- Ministri i Infrastrukturës dhe Transportit Pal Lekaj merr pjesë përurimin e zgjerimit dhe rehabilitimit të hyrjes së pikës kufitare Kosovë - Shqipëri, në Vërmicë. (Pika kufitare e Vërmicës, ora 10:30)

- Kryetari i Komunës së Gjilanit, Lutfi Haziri pret në takim drejtorin e UNHCR. (Zyra e Kryetarit Haziri, ora 11:00)

- Ministri i Mjedisit dhe Planifikimit Hapësinor, Fatmir Matoshi, do të pres në takim kryetarin e Komunës së Malisheves, Ragip Bega, më të cilin do të nënshkruajnë memorandume të bashkëpunimit për financimin e projekteve në fushën e mjedisit. (Kabineti i Ministrit, kati 17, ish objekti Rilindja, ora 11:00)

- Qendra Mediale me mbështetjen e Fondacionit të Kosovës për Shoqëri të Hapur organizon mbahet debatin publik, me temë: "Taksa 100 për qind - kush fitoi, e kush humbi dhe çfarë?". (Qendra Mediale në Çagllavicë, ora 11:00)

- Ministria e Diasporës dhe Investimeve Strategjike në bashkëpunim me Komunën e Prishtinës organizon panairin me punime artizanale, veshje kombëtare dhe ushqime tradicionale. (Sheshi “Skënderbeu”, ora 11:00)

 - Kryetari i Komunës së Gjilanit, Lutfi Haziri pret në takim Sam Paice, udhëheqës i sektorit për demokratizim në Ambasadën Britanike. (Zyra e Kryetarit Haziri, ora 11:30)

- Komuna e Gjilanit organizon ceremoninë e dorëzimi te donacionit për shëndetësi nga Besnik Benz. (Qendra Klinike e Mjeksësisë Familjare, ora 12:30)

- Lëvizja Vetëvendosje mban konferencë për media. (Zyrët e Vetëvendosjes, ora 13:00)