19 Shkurt 2020

Arrihet marrëveshja me SBAShK-un, ndalet edhe greva e mësimdhënësve

Prishtinë, 1 shkurt - Pas takimit që u zhvillua në Kuvendin e Kosovës, së bashku me kryetarin Kadri Veseli, kryeministrin Ramush Haradinaj dhe përfaqësuesin e sindikatës së SBAShK-ut, Rrahman Jashari është arrit një marrëveshje për kërkesat e sindikatës së Arsimit dhe kësisoj të ndalet edhe greva e mësimdhënësve.

“Jemi shumë pak kohë para votimit të ligjit për paga, një ligj që e kemi pritur dhe që nuk e kemi pasur, pra pas 20 vitesh. Unë jam i vetëdijshëm që përgatitja për këtë ligj dhe puna që ka ndodhur rreth këtij ligji ka shqetësuar të gjitha kategoritë që paguhen nga buxheti. Ne nuk i kemi keqkuptuar asnjëherë shqetësimet e tyre por i kemi mirëpritur ato shqetësime”, kështu tha kryeministri i Republikës së Kosovës, Ramush Haradinaj.

Me këtë rast, kryeministri Haradnaj tha se sot kanë arritur maksimumin e këtij ligji dhe se arritja e kësaj marrëveshjeje  nuk ka qenë e mundshme me sindikatën e SBAShK-ut pa ndihmën e kryetarit Veseli, sikurse edhe ndihmën e komisionit e kryetarit Nait Hasani.

“Është  e ditur që qeveria e vendit është e interesuar t’iu japë përgjigje të gjitha kategorive e që paguhen prej buxhetit.  I kemi edhe sfidat por që ju siguroj se do të respektohet dinjiteti i të gjithëve në Kosovë”, tha kryeministri Haradinaj duke e bërë të qartë se nuk është në interesin  e askujt që cilado kategori të mos respektohet në kategorinë e vet. “Jemi gati për nesër”, përfundoi kryeministri Haradinaj.

Kryetari i Kuvendit, Kadri Veseli, tha se është i lumtur që nxënësit e Kosovës dhe mësimdhënësit nga e hëna do t’i kthehen shkollave dhe mësimi do të fillojë, duke falënderuar kryeministrin Haradinaj dhe sindikatën e arsimit, të cilët kanë rol historik në shtetndërtimin në Republikën e Kosovës.

Me këtë marrëveshje të gjithë punëtorëve në sistemin e arsimit do t’u rriten pagat, derisa premtimet do të mbahen edhe për sektorët tjerë, siç janë policia, ushtria, shëndetësia, artistët, administrata publike, asamblistët e komunave, pensionistët dhe gjithë punëtorët tjerë.

Në këtë takim, krerët institucional janë dakorduar që punëtorëve të Doganave dhe të Administratës Tatimore të Kosovës të mos u preket statusi i tyre.

Nesër në Kuvend pritet të miratohet Projektligji për Paga, i cili do të mundësojë rritje të pagave për më shumë se 70 mijë punonjës të sektorit publik.

Kryetari i Sindikatës së Bashkuar për Arsim, Shkencë dhe Kulturë, Rrahman Jashari, tha se marrëveshja e re e arritur me krerët institucionalë i ofron me kërkesat e tyre. 

Kalendari

Ngjarjet e datës 20 shkurt 2020 - Administrata Tatimore e Kosovë do të mbaj seminar me tatimpaguesit e regjionit të  Prishtinës ku prezent do të jetë edhe Drejtori i Përgjithshëm i ATK-së Ilir Murtezaj. (Hotel Emerald, ora 10:00)

- Bëhet konstituimi i Komisionit për Çështje të Sigurisë dhe Mbrojtjes. (Ndërtesa e Kuvendit, salla N 204, ora 11:00)

- Kryetari i komunës së Istogut, Haki Rugova do ta pres në takim ambasadorin bullgar në Kosovë. (Zyra e Kretarit Haziri, ora 11:00)

- Komuna e Rahovecit mban diskutimi publik lidhur me Draft Planin Komunal të Veprimit për Efiçiencë të Energjisë dhe Planin Lokal për Veprim në Mjedis. (Salla e mbledhjeve të Kuvendit Komunal të Rahovecit, ora 11:00) 

- Bëhet konstituimi i Komisionit për Ekonomi, Punësim, Tregti, Industri dhe Investime Strategjike. (Ndërtesa e Kuvendit, salla N303, ora 11:00)

- Mbahet ceremonia e dorëzimit te donacionit për qerdhën “Gëzimi Ynë” në Istog nga Ambasada e Bullgarisë. (Qerdhja “Gëzimi Ynë” në Istog, ora 11:30)

- Mbahet ceremonia e promvimit të librit" Obstetrika",  të Prof. dr. Shefqet Lulaj. (Bibloteka Kombëtare "Pjetër Bogdani", ora 12:00)

- Ministrja e Drejtësisë, Albulena Haxhiu do të mbajë konferencë për media. (Objekti I Ministrisë, ora 13:00)

- Promovohet revista “Intro”, që është produkt i punës së studentëve të vitit të tretë të Departamentit të Gazetarisë, në kuadër të lëndës "Menaxhim i medias". (Amfiteatri i Fakultetit të Filologjisë në Universitetin e Prishtinës, ora 14:00)

- Komuna e Mitrovicës mban debat publik lidhur me rregulloren për realizimin e të drejtave të fëmijëve përmes sistemit qeverisës komunal miqësor për fëmijët. (Salla e mbledhjeve të Kuvendit të Komunës të Mitrovicës, ora 14:00)