19 Korrik 2018

AKK dhe UNDP shpërblejnë vizatimet më të mira me temë korrupsioni

Prishtinë, 7 dhjetor - Agjencia Kundër Korrupsion (AKK) në bashkëpunim me Programin e Kombeve të Bashkuara për Zhvillim (UNDP) do të shpërblejë vizatimet më të mira me temë korrupsioni.

Më 25 nëntor u përmbyll gara për vizatimin më të mirë që u organizua në kuadër të aktiviteteve për të shënuar Ditën Ndërkombëtare Kundër Korrupsionit. Gjatë javëve që gara ishte e hapur, organizatorët pranuan afro 650 vizatime nga nxënës të të gjitha moshave, shkollave dhe komunave nga mbarë Kosova. Punimet u vlerësuan nga një panel i përbërë nga zyrtarë të Agjencisë Kundër Korrupsion, UNDP-së dhe profesionistë të pavarur.

Nga gjitha vizatimet e pranuara, janë përzgjedhur 12 më të mirat të cilat edhe do të shpërblehen me nga një  iPad. Vizatimet fituese janë vendosur edhe në kalendarin për vitin 2018 i cili do t’i shpërndahet të pranishmëve gjatë kësaj ceremonie, e poashtu më vonë edhe institucioneve të ndryshme.

Përveç vizatimeve të përzgjedhura, të ftuarit do të kenë rastin të shohin edhe ekspozitën me të gjitha punimet më të mira të kësaj gare.

Në ngjarje do të marrin pjesë edhe Koordinatori për Zhvillim i Kombeve të Bashkuara dhe Përfaqësuesi i Përhershëm i UNDP-së, Andrew Russell dhe drejtori i Agjencisë Kundër-Korrupsion, Shaip Havolli.

Kjo garë është financuar nga Zyra Zvicerane për Zhvillim dhe Bashkëpunim (SDC) dhe Ministria e Punëve të Jashtme të Danimarkës (DANIDA).

                                          

Kalendari

Ngjarjet e datës 19 Korrik 2018  - Rektori i Universitetit të Prishtinës “Hasan Prishtina”, prof. dr. Marjan Dema nesër do të vizitojë studentët të cilët do t’i nënshtrohen provimit pranues në Universitetin e Prishtinës. (Kampusi i UP-së, ora 9:00)

- Bëhet nënshkrimi i kontratave dhe shpërndarja e tyre për të rinjtë përfitues të shpalljes së fundit nga ana e Ministrisë së Kulturës, Rinisë dhe Sportit, për Edukim Jo-Formal. (Kabineti i ministrit Kujtim Gashi. ora 10:00)

- Mbahet seanca plenare e Kuvendit të Republikës së Kosovës. (Kuvendi i Kosovës, ora 10:00)

- Ministri i Kulturës, Rinise dhe Sportit, Kujtim Gashi, viziton Parkun Arkeologjik Ulpiana ku do të njoftohet me ecurinë e punimeve që po ndërmerren nga Instituti Arkeologjik. (Parkun Arkeologjik Ulpiana, ora 11:00)

- Kryetari Gjykatës Themelore të Gjilanit, Ramiz Azizi do të mbajë një konferencë për media në të cilën do të prezantohet raporti gjashtë mujor i Gjykatës Themelore të Gjilanit, së bashku me Degët e saja. (Objekti i Gjykatës Themelore të Gjilanit, ora 13:00)

- Kryetarit të sapozgjedhur të Odës Ekonomike të Kosovës, Berat Rukiqi takohet me Kryeminsitrin e Republikës së Kosovës, Ramush Haradinaj. (Objekti i Odës Ekonomike të Kosovës, ora 13:00)

- Anulohet - Kryetari i Odës Ekonomike të Kosovës, Berat Rukiqi viziton kompaninë “Albi Group”. (Albi Mall, Veternik, ora 13:00) 

- Organizata për Rritjen e Cilësisë në Arsim organizon aksionin për avancimet akademike në Universitetin e Prishtinës. (Para Rektoratit, ora 14:00)

- Ministri i Kulturës, Rinise dhe Sportit, Kujtim Gashi, viziton Federatën e Xhudos në Pejë ku në një ceremoni të organizuar do t’u ndajë ceqet xhudisteve Nora Gjakova, Distria Krasniqi dhe Driton Kuka. (Federata e Xhudos në Pejë, ora 14:00)

- Kosova 2.0 organizon një bisedë tëshkurtër me temën “diaspora” për të njohur realitetet komplekse dhe shumë-shtresore të kosovarëve qëjetojnë jashtë shtetit. (Innovation Centre Kosovo, ora 18:00)