16 Dhjetor 2017

AKK dhe UNDP shpërblejnë vizatimet më të mira me temë korrupsioni

Prishtinë, 7 dhjetor - Agjencia Kundër Korrupsion (AKK) në bashkëpunim me Programin e Kombeve të Bashkuara për Zhvillim (UNDP) do të shpërblejë vizatimet më të mira me temë korrupsioni.

Më 25 nëntor u përmbyll gara për vizatimin më të mirë që u organizua në kuadër të aktiviteteve për të shënuar Ditën Ndërkombëtare Kundër Korrupsionit. Gjatë javëve që gara ishte e hapur, organizatorët pranuan afro 650 vizatime nga nxënës të të gjitha moshave, shkollave dhe komunave nga mbarë Kosova. Punimet u vlerësuan nga një panel i përbërë nga zyrtarë të Agjencisë Kundër Korrupsion, UNDP-së dhe profesionistë të pavarur.

Nga gjitha vizatimet e pranuara, janë përzgjedhur 12 më të mirat të cilat edhe do të shpërblehen me nga një  iPad. Vizatimet fituese janë vendosur edhe në kalendarin për vitin 2018 i cili do t’i shpërndahet të pranishmëve gjatë kësaj ceremonie, e poashtu më vonë edhe institucioneve të ndryshme.

Përveç vizatimeve të përzgjedhura, të ftuarit do të kenë rastin të shohin edhe ekspozitën me të gjitha punimet më të mira të kësaj gare.

Në ngjarje do të marrin pjesë edhe Koordinatori për Zhvillim i Kombeve të Bashkuara dhe Përfaqësuesi i Përhershëm i UNDP-së, Andrew Russell dhe drejtori i Agjencisë Kundër-Korrupsion, Shaip Havolli.

Kjo garë është financuar nga Zyra Zvicerane për Zhvillim dhe Bashkëpunim (SDC) dhe Ministria e Punëve të Jashtme të Danimarkës (DANIDA).

                                          

Kalendari

Ngjarjet e datës 16 Dhjetor 2017

- Mbahet kuvendi i jashtzakonshëm zgjedhor për të zgjedhur kryesuesin/en e bordit të Asociacionit te Gazetarëve të Kosovës. (Salla e Kuqe e Fakulteti Filologjik, ora 10:00)

- Kryeministri Ramush Haradinaj merr pjesë në takimin e Këshillit Kombëtar për Zhvillim Ekonomik. (Ndërtesa e Qeverisë, ora 11:00)

- Gjimnazi Hasan Nahi në kuadër të Fondacionit për Arsim dhe Kulturë Atmosfera organizon edicionin e pestë me radhë Gara e Intelegjencës "EUREKA 5". (Në të gjithë Kosovën në shkollat e përcaktuara nga Komunat, ora 11:00)

- Organizata “Let’s Do It Kosova” bashkëpunim me Komunën e Gjakovës dhe Kompaninë Rajonale të Pastrimit “Çabrati”do të organizojë aksion pastrimi në Lagjen Berkoc të Gjakovës. (Afër Varrezave të Qytetit, Gjakovë, ora 11:00)

- Lidhja e Shkrimtarëve të Kosovës mban takimin letrar “Esad Mekuli”. Në kuadër të takimit organizohen sesioni letrar, i cili i kushtohet albanologut Robert Elsie. (Instituti Albanologjik, ora 12:00)