28 Mars 2024

Ka ardhur koha për një ndryshim të madh

Shkruar nga Faik Krasniqi

Ka ardhur koha për një ndryshim të madh, si me ideologji ashtu edhe në veprim. Ka ardhur koha që fryma e re të vijë dhe të kontribuojnë për këtë vend, me të rinj dhe të reja, pasi shpresa e tyre është buzë gremine.

Ka ardhur koha që në krye të këtij vendi të vijnë njerëz me duart të pastra, me frymë evropiane që ta ndërtojnë këtë vend si vendet e tjera në Evropë.

Edhe ne mund të renditemi me shtetet evropiane. Edhe ne kemi aftësinë ta bëjmë këtë nëse punojmë me disiplinë me zell, duke i shikuar interesat e popullit dhe të vendit.

Unë jam për ndryshime! Jam për një frymë të re! Për një Kosovë ndryshe, për një Kosovë të zhvilluar ekonomikisht. Për një Kosovë me cilësi në arsim.

Edhe ne e gëzojmë këtë të drejtë, prandaj duhet ta zgjedhim këtë problem, sepse edhe ne jemi njerëz dhe të aftë të zgjidhim probleme që na dalin përpara. Jam për një shëndetësi të besueshëm, me mjekë profesionistë.

Është koha të vetëdijesohemi dhe ta marrim timonin në dorë për rrugëtimin e këtij shteti me ndershmëri dhe me punë drejt BE-së dhe zgjidhjen e sfidave që do na dalin përpara. Edhe ne kemi aftësi intelektuale për zbatimin e tyre në veprim.

Ka ardhur koha e ndryshimit. Ka ardhur koha e shkelmimit të figurave të vjetra të korruptuara dhe të konsumuara, të cilët janë shndërruar në një depo të gënjeshtarëve dhe të të korruptuarve, me lloj-lloj akuza për korrupsion dhe krim të organizuar.

Prandaj, ka ardhur koha që ky vend të udhëhiqet nga politikanët parimorë, nga profesionistët dhe nga njerëzit të cilët ia duan të mirën këtij vendi.

Nga të rinjtë me vizione të qarta për zhvillimin e shtetit, nga njerëzit e dijes me integritet të lartë profesional dhe njerëzor, nga njerëzit që duan, dinë dhe e dërgojnë Kosovën përpara!
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)