Buenos Aires, 30 korrik - Alejandro Sabella ka dhënë dorëheqje nga posti i trajnerit të Argjentinës.

Strategu argjentinas e ka njoftuar federatën e futbollit të vendit të tij se dëshiron t’i japë fund angazhimit në rolin e përzgjedhësit.

Ai arriti t’i dërgojë Albicelestët deri në finale të Kampionatit Botëror 2014, ku pësuan nga Gjermania.

Vendin e 59-vjeçarit pritet ta zë ish-trajneri i Barcelonës, Gerardo Martino.

Martino është favoriti kryesor, mirëpo kandidat është edhe përzgjedhësi i Kolumbisë, Jose Pekerman.