29 Mars 2024

Gjermania dhe Franca nominojnë bashkërisht Selimin

Prishtinë, 24 tetor - Ambasada e Republikës Federale të Gjermanisë dhe Ambasada e Republikës së Francës kanë nominuar bashkërisht zëvendësministrin e Jashtëm të Kosovës, Petrit Selimi, për programin e festimit të përbashkët të 25 vjetorit të rënies së Murit të Berlinit dhe 100-vjetorin e Luftës së Parë Botërore.

Zëvendësministri Selimi është ftuar në këtë program të përbashkët të dy qeverive evropiane që ka për synim t’i mbledhë liderët e rinj evropianë për të krijuar rrjete të reja politike dhe shtetërore përtej kufijve.

Zëvendësministri i Jashtëm Selimi do të ketë mundësinë të takohet me zyrtarë të lartë të të dyja shteteve, anëtarë të Parlamentit gjerman dhe francez si dhe komunitetin e biznesit dhe kulturës si dhe të marrë pjesë në pjesët formale të shënimit të dy datave historike.

Programi organizohet bashkërisht nga Qeveria gjermane dhe franceze në tri qytete: Berlin, Paris dhe Frankfurt dhe ka për qëllim njoftimin e lidershipit të ri evropian me proceset historike që kanë shënuar historinë moderne evropiane dhe që edhe sot luajnë rol si referenca historike të etablimit të Bashkimit Evropian.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)