Tiranë, 5 shkurt - Rreth 10 minatorë u plagosën rëndë në një minierë kromi në Bulqizë të Shqipërisë së Veriut, pas një shpërthimi gazi të shtunën, bëri të ditur Policia e Shtetit në një konferencë shtypi.

Shpërthimi ndodhi kur minatorët po kryenin gërmime në nivelin 16 të galerisë.

Tre nga minatorët e plagosur janë në gjendje kritike.

Media ka njoftuar gjithashtu se tre minatorë të tjerë mund të jenë të bllokuar brenda minierës, ndërsa policia dhe autoritetet vendore po punojnë për shpëtimin e tyre.

Ministria shqiptare e Energjisë dhe e Industrisë tha në një deklaratë për shtyp se ka dërguar ekspertët e saj në minierë për të kontrolluar situatën.