26 Shtator 2017

Aeroplani i humbur i Malajzizë, ende asnjë gjurmë

Pekin, 9 mars - Ende nuk ka asnjë gjurmë të aeroplanit të humbur të kompanisë Malaysia Airlines dhe asnjë dëshmi për rrëzimin e tij, deklaroi në Pekin grupi i punës i ngritur për trajtimit e aksidentit.

Deri tani autoritetet e aviacionit civil të Malajzisë nuk kanë dëshmuar zyrtarisht informacione lidhur me zbulimin e njollës së vajit në zonën detare vietnameze apo për prezencën e shtetasve të dyshimtë në aeroplan.

Tani Kina, Malajzia, Vietnami dhe disa vende të tjera po kërkojnë aeroplanin e humbur. Anijet ushtarake kineze dhe amerikane po i drejtohen zonës detare ku u lokalizua për herë të fundit aeroplani.

Një avion i kompanisë Malaysia Airlines, që transportonte 239 veta, duke përfshirë 227 pasagjerë dhe 12 anëtarë të ekuipazhit, humbi në zonën e administruar nga qyteti Ho Chi Minh në Detin e Kinës Jugore dhe u zhduk nga radarët.

Një zyrtar vietnamez tha se është interceptuar sinjali i kërkim shpëtimit i avionit të Malaysia Airlines.

Zyrtari i tha agjencisë VNExpress se sinjali i avionit është zbuluar në 120 milje detare në jugperëndim të provincës Ca Mau të Vietnamit.

Avioni fluturonte nga Kuala Lumpuri në drejtim të Pekinit. Sipas Administratës së Aviacionit Civil të Kinës, avioni i tipit Boing 777-200, i nisur në orën 0 e 41 minuta të 8 marsit humbi në orën 2 e 40 minuta të mëngjesit, ndërsa ishte parashikuar të arrinte në orën 6:30 të mëngjesit të së shtunës.

Autoritetet të aviacionit konfirmuan se në bordin e avionit ndodhen 154 shtetas kinezë, ndërkohë është vënë në lëvizje mekanizmi urgjent i veprimit.

Nuk ka njoftim, sipas autoriteteve, që avioni të ketë hyrë në zonën e administrimit të Kinës.

Kalendari

Ngjarjet e datës 26 Shtator 2017

- Shoqata e pemëve “Pema” nga Kovraga me përkrahjen e programit AGRO të USAID-it organizon tryezën e rrumbullakët me temë “Prodhimtaria e mollës në Kosovë - gjendja aktuale, perspektiva dhe sfidat”. (Fshati Kovragë i Istogut, vendi ku është organizuar zakonisht “Dita e Mollës”, ora 10:30)

- Ministria e Drejtësisë organizon konferencë për media, në të cilën do të marrin pjesë, Ministri i Drejtësisë, Abelard Tahiri dhe Kryeprokurori i Shtetit, Aleksandër Lumezi. (Ndërtesa e Ministrisë e Drejtësisë, ora 11:30)

- Ambasadori I ShBA-ve Greg Delawie do të flas në ceremonin e lansimit të Trekandit, kompania e parë e financuar dhe mbështetur  nga Gjirafa Lab. (Sheshi 21, ora 17:15)

- Muzeu i Kosovës, në kuadër të Ditëve të Trashëgimisë Evropiane me moton Ditët e Hapura hap ekspozitën me fotografi nga autori nga Turqia, Erhan Bayladi. (Muzeu i Kosovës, ora 19:00)

- Shfaqjet performanca teatrale “Copë Copë”. (Teatri i Qytetit “Adriana Abdullahu” në komunën e Ferizajit, ora 20:00)

 

Ngjarjet e fushatës zgjedhore


- Kandidati i Lidhjes Demokratike të Kosovës për kryetar të Prishtinës, Arban Abrashi, takohet me përfaqësueset e shoqatave te grave, i pranishëm do të jetë kryetari i LDK-së, Akademik Isa Mustafa. (Hotel Sirius, ora 11:00)

- Kandidati i AKR-së për kryetar të Prishtinës, Selim Pacolli, mban konferencën për medie për të diskutuar problemet dhe brengat e qytetarëve të Prishtinës. (Sheshi Skënderbeu, pranë ndërtesës së Qeverisë, ora 11:00)

- Kandidatit për kryetar të Prishtinës nga Partia Demokratike e Kosovës, Lirak Çelajt promovon Platformën zgjedhore. (Hotel "Sirius, ora 13:00)

- Dega e NISMA për Kosovën në Klinë do të bëj hapjen e fushatës elektorale për zgjedhjet lokale. (Shtëpia e kulturës “Jehona e Dukagjinit” në Klinë, ora 13:00)

- Kryetari i Komunës së Prishtinës, Shpend Ahmeti, mban sot konferencë për media lidhur me projektet që do të realizohen gjatë mandatit të dytë. (Zyra e Lëvizjes Vetëvendosje! në lagjen Arbëria, ora 14:00)
 
- Dega e NISMA për Kosovën në Istog do të bëj hapjen e fushatës elektorale për zgjedhjet lokale. (Restaurant Freskia në Istog, ora 15:00)

- Kandidatit për kryetar të Prishtinës nga Partia Demokratike e Kosovës, Lirak Çelaj bashkëbisedon dhe takohet me qytetarët "dorë më dorë". (Xhamia e Llapit, ora 15:00)

- Partia Demokratike e Kosovës dhe kandidati për kryetar të Podujevës, Hajredin Hyseni, do të takohen me qytetarë në qendër të Podujevës. (Podujevë, ora 15:00)

- Partia Demokratike e Kosovës dhe kandidati për kryetar për Podujevës, Hajredin Hyseni, do ta vizitojnë Fabrikën e Tekstilit “SSprint” në fshatin Letanc. (Letanc, ora 16:30)

- Lëvizja Vetëvendosje do të mbajë tubimin zgjedhor në qytetin e Vitisë, marrin pjesë kryetari Visar Ymeri, deputeti Albin Kurti, deputetja Shqipe Pantina dhe kandidati për kryetar të Vitisë, Salih Salihu. (Restaurant Lindi në Viti, ora 17:00)

- Dega e NISMA për Kosovën në Pejë do të bëj hapjen e fushatës zgjedhore. (Restaurant Universi në Pejë, ora 17:30)

- Aleanca për Ardhmërinë e Kosovës mban tubim zgjedhor në Pejë, merr pjesë edhe Kryeministri dhe Kryetar i AAK-së Ramush Haradinaj. (Hotel Dukagjini, ora 18:00)

- Aleanca për Ardhmërinë e Kosovës mban takim me fermerë të Pejës, merr pjesë Kryeministri dhe Kryetar i AAK-së, Ramush Haradinaj. (Restoran Koha 3, ora 19:00)

- Kandidati i Lidhjes Demokratike të Kosovës për kryetar të komunës të Prizrenit Dr. Hatim Baxhaku shpalos programin qeverisës dhe prezanton kandidatët për Asamble Komunale. (Kompleksi Lidhja e Prizrenit, ora 19:30)

- Partia Demokratike e Kosovës mban tubimin elektoral në Mitrovicë. (Hotel Palace, ora 19:00)