17 Janar 2018

Kosova voton sot për parlamentin e ri

Prishtinë, 12 dhjetor - Sot zhvillohen zgjedhjet e para parlamentare që pas shpalljes së pavarësisë. Votimi ka nisur rregullisht në disa zona, si në Prishtinë , kryeqendrën e Kosovës, në Prizren, në Pejë, etj, por gjithashtu edhe në Mitrovicë.

Zyrtarë të KQZ-ve, thonë se materiali zgjedhor tashmë është shpërndarë në të gjitha qendrat e votimit gjithandej Kosovës dhe që nga ora shtatë ka filluar procesi i votimit, i cili do të zgjatë deri në orën 19 të mbrëmjes.

Organizatorët e zgjedhjeve thonë se akoma janë duke mbledhur informata nga komisionet zonale për të parë nëse me kohë janë hapur të 746 qendrat e votimit, në të cilat janë paraparë të jenë 2.280 vendvotime.

Komisioni Qendror i Zgjedhjeve ka konfirmuar se numri i përgjithshëm i votuesve kosovarë këtë vit është mbi 1.6 milion. Ata do të mund të votojnë në 746 qendra të votimit, me gjithsej 2.280 vendvotime.

Në zgjedhjet e sotme marrin pjesë 29 subjekte politike, nga të cilat 7 i përkasin shumicës shqiptare, 8 janë nga radhët e komunitetit serb, 4 janë subjekte boshnjake, 2 turke dhe 8 subjekte nga pakicat e tjera.

I diskutueshëm mbetet zhvillimi i procesit të rregullt zgjedhor në pjesën veriore të Kosovës, ndonëse KQZ-ja për këtë zonë ka parashikuar vendosjen e 114 ekipe te lëvizshme.

Përfaqësuesit e serbëve të veriut janë shprehur kategorikisht kundër pjesëmarrjes së komunitetit të tyre në zgjedhjet parlamentare, por, megjithatë, zyrtarët kosovarë dhe ata ndërkombëtarë mbeten optimistë.

Në këtë zonë, autoritetet e vendit kanë parashikuar masa shtesë të sigurisë për të ofruar, ambient të volitshëm votimi. Në zgjedhje, janë mbi 32 mijë vëzhgues që do të kujdesen për monitorimin e zgjedhjeve të sotme.

Prej tyre, mbi 26 mijë u përkasin partive politike, 493 organizatave ndërkombëtare, 351 ambasadave si dhe mbi 5 mijë vëzhgues nga organizatat joqeveritare.

Koalicioni “Demokracia në Veprim” ka akredituar 5 mijë monitorues të tërë procesit, ndërsa Rrjeti Evropian i Organizatave Monitoruese të Zgjedhjeve, ENEMO, ka konfirmuar arritjen e 182 vëzhguesve ndërkombëtarë.

Gara e sotme zhvillohet për 100 vende në Parlament, pasi 20 vende të tjera janë paraprakisht të rezervuara - 10 për komunitetin serb dhe po aq për komunitetet e tjera pakicë.

Votimi i mocionit të mosbesimit të qeverisë dhe rrjedhimisht shpërndarja e Kuvendit më 2 nëntor të këtij viti, çoi në organizimin e zgjedhjeve të jashtëzakonshme parlamentare.

Rreth 800 vëzhgues ndërkombëtarë do të vëzhgojnë zgjedhjet e sotme. 34 ekipe më afro 500 vëzhgues janë nga ambasadat e shteteve perëndimore në Kosovë.

Shefi i zyrës civile ndërkombëtare, Peter Feith, së bashku me ambasadorët e QUINT-it, u kanë bërë thirrje qytetarëve që masivisht të marrin pjesë në votime, për faktin që zgjedhjet e 12 dhjetorit, të parat që nga shpallja e pavarësisë i kanë cilësuar të një rëndësie të veçantë për vendin.

Mbi gjashtë mijë policë të Kosovës janë të angazhuar për sigurinë e votimeve dhe deri tani raportohet për situatë të qetë.   

Kalendari

Ngjarjet e datës 17 Janar 2018 - Mbahet mbledhje e Komisionit për Shëndetësi, Punë dhe Mirëqenie Sociale në të cilën do të behët shqyrtimi i projektligjit për ndërmarrjet sociale. (Ndërtesa e Kuvendit, sallaN 303, ora 10:00)

- Në kuadër të organizimeve në 550-vjetorin e vdekjes së Skënderbeut dhe Vitit Mbarëkombëtar të Skënderbeut, nesër më 17 janar 2018, zhvillohen homazhe te shtatorja e Skënderbeut. (Shtatorja e Skënderbeut, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i raportit të punës së Komisionit, për vitin 2017 si dhe shqyrtimi i draft-planit të punës së Komisionit, për vitin 2018. (Ndërtesa e Kuvendit, salla N204, ora 10:00)

- Për nder të 18 vjetorit të themelimit të Administratës Tatimore të Kosovës, do të mbahet shënimin simbolik të këtij përvjetori, në të cilin pjesëmarrës do të jenë Kryeministri i Republikës së Kosovës Ramush Haradinaj, Ministri i Financave Bedri Hamza, palët e interesit dhe donatorët. (Qendra e Shërbimit të Tatimpaguesve, ish-ndërtesa e Gërmisë, ora 11:00) 

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit,  salla  C 301, ora 11:00)

- Prezantohen projektet e studentëve, të cilët do të pasqyrojnë punën që është bërë gjatë semestrit dimëror 2017/18. (Fakulteti i Edukimit, ora 11:00)

- Mbahet mbledhje e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Ministri i Ministrisë së Inovacionit dhe Ndërmarrësisë, Besim Beqaj do të vizitojë kompaninë e prodhimit të produkteve farmaceutike “Trepharm”. (Hapësirat e “Trepharm” në Sllatinë, ora 12:30)

- Komuna e Gjilanit ben zbulimin e bustit te heroit Gjergj Kastrioti - Skenderbeu. (Sheshi kryesore para zyres se kryetarit ne Gjilan, ora 13:00)

- Mbahet Akademi kushtuar 550 vjetorit të Skënderbeut, me ç ‘rast do të promovohet pulla postare e Postës së Kosovës dhe Postës së Maqedonisë në të cilen do të nderohen edhe figurat e shquara të shqiptarëve, Jusuf e Bardhosh Gërvalla dhe Kadri Zeka, në 36-vjetorin e vrasjes së tyre. (Teatri Kombëtar të Kosovës, ora  15:00)

- Komuna e Gjilanit organizon akademin e Flakes se Janarit 2018, qe i kushtohet 550 vjetorit te vdekjes se heroit kombetar Skenderbeu dhe 50 vjetorit te protestave masive per flamurin kombetar. (Teatri i Qytetit, ora 16:00)

- Muzeu i Kosovës, me nismën e "Museum Illyricum" - Zvicër, organizojnë ekspozitë me libra; pulla dhe bankënota nga mesjeta e deri në vitet '30-ta. (Lapidariumin e Muzeut të Kosovës, ora 18:00)

- Hapet ekspozitë 55 portrete për 550-vjetorin e vdekjes së Skënderbeut dhe Vitit Mbarëkombëtar të Skënderbeut. (Swiss Diamond Hotel, ora 18:00)

- Në 550 vjetorin e vdekjes së heroit kombëtar Skenderbeu dhe 50 vjetorit të protestave masive për flamurin kombëtar organizon aktivitetin Peneli i Flakes. (Teatri i Qytetit të Gjilanit, ora 19:00)