25 Maj 2018

Çfarë bëmë që të krenohemi

Shkruar nga Faik Krasniqi

Krenaria me punë është një virtyt. Krenaria vetëm me fjalë nuk është asgjë tjetër vetëm se një ves.

Të kthehemi ta analizojmë këtë virtyt dhe ves sot se çfarë mund të konkludojmë apo themi.

Lirisht mund të themi se nuk është as njëra e as tjetra. Krenarinë sot e shohin një urrejtje, një ndjenjë të dashurisë, të poshtërimit , e me radhë.

Nëse krenaria nuk është reale dhe në një masë të duhur e kalove atë, atëherë kalon në egoizëm apo vetëm mburrje. Nuk mund t’i fusim të gjithë në një thes, por unë sot e shoh vetëm si një mburrje asgjë më shumë.

Në TV, në forume, në takime a blla-blla, shpesh dëgjon: "Jam krenar se jam Shqiptar"! Dakord. Edhe unë e them këtë dhe e kam thënë. Po edhe tjerët janë krenarë me kombin ose përkatësinë etnike të tyre. Secili mburret dhe krenohet me traditat ose kulturën e vendit të vet.

Të kthehemi te vetja jonë. Jam krenar se jam shqiptar. Kjo është një krenari. Po të japësh një përgjigje të saktë në këtë do shumë kohë e ndoshta nuk do e dimë cilën ta japim.

Cili nga ne i kemi këto cilësi të një shqiptari të vërtetë që jemi krenar? A mund të krenohemi dhe të quajmë veten krenarë kur në Shqipëri shohim sot ato protesta? Për çfarë se? Po shkruaj një citat të një personi: ’’Është kjo krenari që nuk na lejon të shkelim apo thjesht të anashkalojmë parimet e vetvetes për të rifituar atë që dikur e humbe.

Është e çuditshme se si ndonjëherë më mirë zgjedhim vuajtjen dhe pranimin e humbjes, pavarësisht nga përmasat e kësaj dhimbjeje dhe humbjeje, sepse na kushton shumë punë zgjedhja e luftimit për të rifituar, sepse krenaria nuk na lejon’’.

Në Shqipëri dhe në Kosovë njerëzit janë bërë më keq se ujqërit. Ekziston një përçarje e tmerrshme. Një kaos i madh. Nuk e do shqiptari shqiptarin. Ku është krenaria jonë?. Mos të sjellim shkrime filozofike, se filozofët nga këto shkrime jetojnë sot. Ta themi dhe shkruajmë të vërtetën.

Ku e kemi ekonominë ne sot? Vetëm lëmoshë nga të huajt kërkojmë. Vjen i huaji na burgos dhe na rregullon sipas shijes së tij shtëpinë. Sot cilitdo nga ne po t’i jepet mundësia ta ketë një vizë (e kam fjalën për shqiptarët e Kosovës) ose letra qëndrimi do të ikë jashtë dhe a do të thotë: "Jam krenar se jam shqiptar "!?

Ndoshta e teprova, por këto që ceka më lartë janë disa detaje dhe jam i bindur se detajet janë të njohura për të gjithë ne. Krenaria është virtyti, pra puna e jo vesi e fjalët.

Po e përfundoj me mburrem që jam shqiptar dhe jam krenar me popullin tim dhe historinë tonë. Jam krenar që jam shqiptar ky është identiteti im. Por, nuk jam krenar me këtë që po shohë sot tek populli im.

(Autori është publicist nga Prishtina dhe anëtar i Kryesisë dhe Këshillit Kombëtar të''Aleanca Kuq e Zi'') 

Kalendari

Ngjarjet e datës 25 Maj 2018

- Nën organizimin e Drejtorisë për Kulturë, Rini dhe Sport në Gjilan, Drejtorisë së Arsimit dhe Komitetit Olimpik të Kosovës mbahet aktiviteti i vrapimit të fëmijëve të lindur në vitin e shpalljes së Pavarësisë së Republikës së Kosovës, në shënim të Dites Olimpike. (Kazerma e FSK, ora 9:00)

- Agjencia e Punësimit në bashkëpunim më Programin e Kombeve të Bashkuara për Zhvillim mban ceremoninë e nënshkrimit të marrëveshjeve në mes të përfituesve të programeve aktive të tregut të punës, ku do të përfitojnë 270 punëkërkues. (Hotel Sirius, ora 10:00)

- Përfaqësues të Agjencisë për Menaxhimin e Komplekseve Memoriale dhe Komisionit Qeveritar për Persona të Zhdukur raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me gjendjen e memorialëve të Kosovës. (Ndërtesa e Kuvendit, salla N 303, ora 10:00)

- Nënkryetari i Komunës së Gjilanit, Arbër Ismajli merr pjesë në shpërndarjen e 90 pakove ushqimore për familjet në nevojë nga ana e organizatës Islamic Relief Kosova. (Gjilan, ora 11:00)

- Kryeministri Ramush Haradinaj pret në takim përfaqësues të klubit të futbollit “Drita” të Gjilanit, kampione e sivjetme. (Ndërtesa e Qeverisë, ora 11:00)

- Lidhja Demokratike e Kosovës mbanë konferencën e rregullt javore. (Selia qendrore e LDK-së, te Qafa, ora 11:00)

- Art and Community Center - Artpolis mban konferencë për medie lidhur me organizimin e edicionit të 6-të të festivalit më të madh feminist në Ballkan, FemArt. (Rings Restaurant, ora 12:00)

- Kryeministri Ramush Haradinaj mban konferencë për media. (Ndërtesa e Qeverisë, ora 13:00)

- Mbahet "Kumihimo Workshop"! në të cilen Hoko Tokoro, prezanton teknikën tradicionale Japoneze të quajtur Kumihimo, për krijimin e gërshetave me ngjyra nga fijet e mëndafshit. (Ambientet e Muzeut të Kosovësora 13:30)

- Lëvizja Vetëvendosje! do të organizojë tryezën e titulluar "Zgjidhja nëpërmjet zgjedhjeve", ku do jenë të ftuara subjektet politike në Kosovë. (Ambientet e Kuvendit, ora 11;00)