25 Maj 2018

Kina në 2018-n do të jetë tregu më i madh turistik për SHBA-në

Pekin, 10 tetor - Parashikohet se Kina do të jetë tregu më i madh turistik për SHBA-në në vitin 2018 me një total prej 4.7 milionë vizitorësh, u bë e ditur të martën nga organizata e marketingut \"Brand USA\".

Chris Thomson, presidenti i \"Brand USA\" tha për reporterët se numri i turistëve kinezë që kanë vizituar SHBA-në është rritur me 35 për qind çdo vit, duke ia kaluar vendeve të tjera.

Turistët kinezë shpenzuan 8.8 miliardë dollarë amerikanë vitin e kaluar në SHBA.

Bashkëpunimi midis SHBA-së dhe Kinës në sektorin e turizmit ka qenë tejet pozitiv, sipas Shao Qiwei, kreut të Administratës Kombëtare të Turizmit. Ai tha se niveli i shkëmbimeve dypalëshe vazhdon të zgjerohet.

Sipas Shao-s, Kina dhe SHBA-ja, në bazë të negociatave, do të vazhdojnë të shqyrtojnë mundësitë për promovimin e turizmit, përshpejtimin e integrimit të industrisë së turizmit etj. 

Kalendari

Ngjarjet e datës 25 Maj 2018

- Nën organizimin e Drejtorisë për Kulturë, Rini dhe Sport në Gjilan, Drejtorisë së Arsimit dhe Komitetit Olimpik të Kosovës mbahet aktiviteti i vrapimit të fëmijëve të lindur në vitin e shpalljes së Pavarësisë së Republikës së Kosovës, në shënim të Dites Olimpike. (Kazerma e FSK, ora 9:00)

- Agjencia e Punësimit në bashkëpunim më Programin e Kombeve të Bashkuara për Zhvillim mban ceremoninë e nënshkrimit të marrëveshjeve në mes të përfituesve të programeve aktive të tregut të punës, ku do të përfitojnë 270 punëkërkues. (Hotel Sirius, ora 10:00)

- Përfaqësues të Agjencisë për Menaxhimin e Komplekseve Memoriale dhe Komisionit Qeveritar për Persona të Zhdukur raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me gjendjen e memorialëve të Kosovës. (Ndërtesa e Kuvendit, salla N 303, ora 10:00)

- Nënkryetari i Komunës së Gjilanit, Arbër Ismajli merr pjesë në shpërndarjen e 90 pakove ushqimore për familjet në nevojë nga ana e organizatës Islamic Relief Kosova. (Gjilan, ora 11:00)

- Kryeministri Ramush Haradinaj pret në takim përfaqësues të klubit të futbollit “Drita” të Gjilanit, kampione e sivjetme. (Ndërtesa e Qeverisë, ora 11:00)

- Lidhja Demokratike e Kosovës mbanë konferencën e rregullt javore. (Selia qendrore e LDK-së, te Qafa, ora 11:00)

- Art and Community Center - Artpolis mban konferencë për medie lidhur me organizimin e edicionit të 6-të të festivalit më të madh feminist në Ballkan, FemArt. (Rings Restaurant, ora 12:00)

- Kryeministri Ramush Haradinaj mban konferencë për media. (Ndërtesa e Qeverisë, ora 13:00)

- Mbahet "Kumihimo Workshop"! në të cilen Hoko Tokoro, prezanton teknikën tradicionale Japoneze të quajtur Kumihimo, për krijimin e gërshetave me ngjyra nga fijet e mëndafshit. (Ambientet e Muzeut të Kosovësora 13:30)

- Lëvizja Vetëvendosje! do të organizojë tryezën e titulluar "Zgjidhja nëpërmjet zgjedhjeve", ku do jenë të ftuara subjektet politike në Kosovë. (Ambientet e Kuvendit, ora 11;00)