26 Shtator 2017

Rritet numri i turistëve në Krujë

Krujë, 2 maj - Qyteti historik i Krujës në dy javët e fundit ka patur një numër në rritje vizitorësh vendas dhe të huaj, ndërsa në të njejtën periudhë është botuar edhe Guida e parë turistike në gjuhën angleze për qytetin historik.

Drejtori i Muzeve të Krujës, Mehdi Hafizi, tha për ATSH-në se Guida e publikuar nga \"Blu Agency\" me informacione dhe të dhëna të ofruara nga specialistët krutanë, do t\'i shërbejë turistëve të huaj që vizitojnë qytetin.

Në librin me format xhepi ka informacione te plota për muzeun historik dhe atë etnografik, si dhe për monumentet e tjera brenda dhe jashtë kalasë mesjetare. Përveç gjuhës angleze, një pjesë e materialit është përmbledhur edhe në gjuhën italiane.

Drejtori Hafizi nënvizoi se paraditen e së martës mjediset e Muzeve te Krujes po vizitohen nga rreth 300 turistë vendas dhe të huaj. Grupet me turistë nga Gjermania, Hungaria, Italia, Japonia dhe Holanda ditët e fundit kanë mbërritur kryesisht nga Mali i Zi, ku kanë nisur përgatitjet për sezonin veror. Nuk janë të pakët turistët e organizuar që vijnë në kuadër të tureve ballkanike, në të cilat vendi ynë ka zënë vend prej disa vitesh.

Gjatë paradites së sotme muzeun \"Gjergj Kastrioti Skënderbeu\" e kanë vizituar edhe 120 nxënës të shkollave të mesme nga qytetet të ndryshme të Kosovës, shtoi drejtori Hafizi. Sipas tij, gjatë muajve maj dhe qershor në qytetin e Krujës dhe në kalanë mesjetare të tij pritet një numër i madh turistësh vendas dhe të huaj.

Gjatë vitit të kaluar muzeu historik dhe ai etnografik brenda mureve të kalasë kanë patur rreth 95 mijë vizitorë gjithsej, 30 përqind e të cilëve janë turistë të huaj.

Lexoni me shume per temën: Botohet Guida Turistike e Krujes tek albanians.gr

Kalendari

Ngjarjet e datës 26 Shtator 2017

- Shoqata e pemëve “Pema” nga Kovraga me përkrahjen e programit AGRO të USAID-it organizon tryezën e rrumbullakët me temë “Prodhimtaria e mollës në Kosovë - gjendja aktuale, perspektiva dhe sfidat”. (Fshati Kovragë i Istogut, vendi ku është organizuar zakonisht “Dita e Mollës”, ora 10:30)

- Ministria e Drejtësisë organizon konferencë për media, në të cilën do të marrin pjesë, Ministri i Drejtësisë, Abelard Tahiri dhe Kryeprokurori i Shtetit, Aleksandër Lumezi. (Ndërtesa e Ministrisë e Drejtësisë, ora 11:30)

- Ambasadori I ShBA-ve Greg Delawie do të flas në ceremonin e lansimit të Trekandit, kompania e parë e financuar dhe mbështetur  nga Gjirafa Lab. (Sheshi 21, ora 17:15)

- Muzeu i Kosovës, në kuadër të Ditëve të Trashëgimisë Evropiane me moton Ditët e Hapura hap ekspozitën me fotografi nga autori nga Turqia, Erhan Bayladi. (Muzeu i Kosovës, ora 19:00)

- Shfaqjet performanca teatrale “Copë Copë”. (Teatri i Qytetit “Adriana Abdullahu” në komunën e Ferizajit, ora 20:00)

 

Ngjarjet e fushatës zgjedhore


- Kandidati i Lidhjes Demokratike të Kosovës për kryetar të Prishtinës, Arban Abrashi, takohet me përfaqësueset e shoqatave te grave, i pranishëm do të jetë kryetari i LDK-së, Akademik Isa Mustafa. (Hotel Sirius, ora 11:00)

- Kandidati i AKR-së për kryetar të Prishtinës, Selim Pacolli, mban konferencën për medie për të diskutuar problemet dhe brengat e qytetarëve të Prishtinës. (Sheshi Skënderbeu, pranë ndërtesës së Qeverisë, ora 11:00)

- Kandidatit për kryetar të Prishtinës nga Partia Demokratike e Kosovës, Lirak Çelajt promovon Platformën zgjedhore. (Hotel "Sirius, ora 13:00)

- Dega e NISMA për Kosovën në Klinë do të bëj hapjen e fushatës elektorale për zgjedhjet lokale. (Shtëpia e kulturës “Jehona e Dukagjinit” në Klinë, ora 13:00)

- Kryetari i Komunës së Prishtinës, Shpend Ahmeti, mban sot konferencë për media lidhur me projektet që do të realizohen gjatë mandatit të dytë. (Zyra e Lëvizjes Vetëvendosje! në lagjen Arbëria, ora 14:00)
 
- Dega e NISMA për Kosovën në Istog do të bëj hapjen e fushatës elektorale për zgjedhjet lokale. (Restaurant Freskia në Istog, ora 15:00)

- Kandidatit për kryetar të Prishtinës nga Partia Demokratike e Kosovës, Lirak Çelaj bashkëbisedon dhe takohet me qytetarët "dorë më dorë". (Xhamia e Llapit, ora 15:00)

- Partia Demokratike e Kosovës dhe kandidati për kryetar të Podujevës, Hajredin Hyseni, do të takohen me qytetarë në qendër të Podujevës. (Podujevë, ora 15:00)

- Partia Demokratike e Kosovës dhe kandidati për kryetar për Podujevës, Hajredin Hyseni, do ta vizitojnë Fabrikën e Tekstilit “SSprint” në fshatin Letanc. (Letanc, ora 16:30)

- Lëvizja Vetëvendosje do të mbajë tubimin zgjedhor në qytetin e Vitisë, marrin pjesë kryetari Visar Ymeri, deputeti Albin Kurti, deputetja Shqipe Pantina dhe kandidati për kryetar të Vitisë, Salih Salihu. (Restaurant Lindi në Viti, ora 17:00)

- Dega e NISMA për Kosovën në Pejë do të bëj hapjen e fushatës zgjedhore. (Restaurant Universi në Pejë, ora 17:30)

- Aleanca për Ardhmërinë e Kosovës mban tubim zgjedhor në Pejë, merr pjesë edhe Kryeministri dhe Kryetar i AAK-së Ramush Haradinaj. (Hotel Dukagjini, ora 18:00)

- Aleanca për Ardhmërinë e Kosovës mban takim me fermerë të Pejës, merr pjesë Kryeministri dhe Kryetar i AAK-së, Ramush Haradinaj. (Restoran Koha 3, ora 19:00)

- Kandidati i Lidhjes Demokratike të Kosovës për kryetar të komunës të Prizrenit Dr. Hatim Baxhaku shpalos programin qeverisës dhe prezanton kandidatët për Asamble Komunale. (Kompleksi Lidhja e Prizrenit, ora 19:30)

- Partia Demokratike e Kosovës mban tubimin elektoral në Mitrovicë. (Hotel Palace, ora 19:00)