29 Mars 2024

Asgjësohen 26 ton mish me dokumentacion te falsifikuar

Prishtinë, 4 maj - Agjencia e Ushqimit dhe Veterinarisë në bashkëpunim me Doganat e Kosovës sot ka bërë asgjësimin e 26 tonë mish industrial i importuar nga Argjentina.

Në njoftimin për media bëhët e ditur se si fryt i bashkëpunimit të agjencive për kontrollin e kufirit është ndaluar dhe sekuestruar një maune me mish industrial qe përdoret për përpunim e cila gjatë verifikimit të dokumentacionit është vërejtur se ka mospërputhshmëri te etiketave te produktit me certifikatën shëndetësore.

Menjëherë kjo ngarkesë është ndaluar dhe bllombuar deri ne verifikimin e plotë për sigurinë e këtij produkti. AUV bashkërisht me Doganat kanë kontaktuar me autoritetin e shteti te origjinës se produktit për të verifikuar origjinalitetin e certifikatës shëndetësore dhe informata tjera shtesë lidhur me cilësinë e këtij produkti.

Pas marrjes se konfirmimit është vërtetuar se pala importuese ka bërë falsifikimin e dokumentacionit ku ka ofruar para organeve kompetente dokumente te rrejshme. Në këso raste  kontaktohet vendi i origjinës se atij produkti i cili jep konfirmimin se produkti a i plotëson kriteret për konsum.

Meqenëse certifikata shëndetësore e produktit është e falsifikuar kjo sasi e mishit ne bazë te ligjeve ne fuqi dhe rregulloreve për siguri ne ushqim nuk e përmbush kriterin e ushqimit te sigurt si i tillë paraqet  rrezik për shëndet të qytetareve dhe nuk lejohet përpunimi apo shitje ne treg, menjëherë bëhet asgjësimi.

Ne ruajtjen dhe ngritjen e shëndetit te përgjithshëm publik Agjencia e Ushqimit dhe Veterinarisë siguron të gjithë qytetaret se ne asnjë mënyrë nuk lejon futje ne treg te produkteve ushqimore te dyshimta për të rrezikuar shëndetin e tyre . 
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)