Prishtinë, 15 prill - Komuna e Prishtinës sot ka filluar me rikultivimin e sipërfaqeve gjelbëruese në lagjen “Ulpiana”, të cilat me vite kanë qenë hapësira të pa trajtuara.

Punëtorët e Ndërmarrjes Publike Komunale “Hortikultura” janë duke i gjelbëruar këto sipërfaqe me barin adekuat për parqe, ndërsa po ashtu do të mbillen edhe lule si dhe do të largohen mbeturinat e ngurta inerte. 

Ky rikultivim do të përfshijë të gjitha sipërfaqet publike komunale në tërë Ulpianën.

Një rikultivim i tillë i sipërfaqeve gjelbëruese së shpejti do të fillojë edhe në lagjen “Bregu i Diellit”, përgjatë rrugës “B”.