25 Maj 2018

Në Astrazup është ndryshuar komplet gjendja energjetike

Prishtinë, 11 prill - Në kuadër të investimeve për përmirësimin e rrjetit energjetik në të gjithë Kosovën që po bën KEDS, një punë e madhe është bërë edhe në fshatin Astrazup të komunës së Malishevës.

Astrazupi është një  fshat i madh me 400 shtëpi.

“Kemi besim të plotë në KEDS-in. Tash shumë në rregull është rryma, ky investim ka ndryshu gjendjen 100 për qind në katunin tonë. Kemi hequr të gjithë korrektorët dhe shtyllat janë krejt të reja”, thotë  Xhafer Krasniqi, banor i fshatit i cili merret me ndërtimtari.

Gjatë kohës së punimeve në fshat, punëtorët e KEDS-it kanë pasur një përkrahje dhe bashkëpunim nga banorët e fshatit.    

“Kemi qenë me korrektor, shpesh na u prishte frizi. Pas investimit tash rryma është fenomenale. Këtë projekt që ka bërë KEDS as qytetet nuk e kanë, thotë Dardan Morina, pronar i një dyqani ushqimor në fshat.  

Gjatë realizimit të punimeve në këtë projekt është bërë implementimi i 149  shtylla të tensionit të ulët, 30 shtylla të tensionit të mesëm, 6991 m rrjet të tensionit të ulët, 500 m  rrjet të tensionit të mesëm, 1 trafoshtyllë me fuqinë e transformatorit 400 kVA.

Me vendosjen e kabllove bistekë për tensionin e ulët është rritur siguria e konsumatorëve dhe është stabilizuar tensioni.

Janë gjithsej 276 familje përfituese që ia kanë parë hairin këtij investimi.

KEDS ka intervenuar në shumë vendbanime të Kosovës për të modernizuar rrjetin, që është një premtim i kompanisë për të zgjidhur problemet infrastrukturore për shpërndarjen e energjisë elektrike.

KEDS do të vazhdojë edhe më tej me projekte të këtilla.

 

Kalendari

Ngjarjet e datës 25 Maj 2018

- Nën organizimin e Drejtorisë për Kulturë, Rini dhe Sport në Gjilan, Drejtorisë së Arsimit dhe Komitetit Olimpik të Kosovës mbahet aktiviteti i vrapimit të fëmijëve të lindur në vitin e shpalljes së Pavarësisë së Republikës së Kosovës, në shënim të Dites Olimpike. (Kazerma e FSK, ora 9:00)

- Agjencia e Punësimit në bashkëpunim më Programin e Kombeve të Bashkuara për Zhvillim mban ceremoninë e nënshkrimit të marrëveshjeve në mes të përfituesve të programeve aktive të tregut të punës, ku do të përfitojnë 270 punëkërkues. (Hotel Sirius, ora 10:00)

- Përfaqësues të Agjencisë për Menaxhimin e Komplekseve Memoriale dhe Komisionit Qeveritar për Persona të Zhdukur raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me gjendjen e memorialëve të Kosovës. (Ndërtesa e Kuvendit, salla N 303, ora 10:00)

- Nënkryetari i Komunës së Gjilanit, Arbër Ismajli merr pjesë në shpërndarjen e 90 pakove ushqimore për familjet në nevojë nga ana e organizatës Islamic Relief Kosova. (Gjilan, ora 11:00)

- Kryeministri Ramush Haradinaj pret në takim përfaqësues të klubit të futbollit “Drita” të Gjilanit, kampione e sivjetme. (Ndërtesa e Qeverisë, ora 11:00)

- Lidhja Demokratike e Kosovës mbanë konferencën e rregullt javore. (Selia qendrore e LDK-së, te Qafa, ora 11:00)

- Art and Community Center - Artpolis mban konferencë për medie lidhur me organizimin e edicionit të 6-të të festivalit më të madh feminist në Ballkan, FemArt. (Rings Restaurant, ora 12:00)

- Kryeministri Ramush Haradinaj mban konferencë për media. (Ndërtesa e Qeverisë, ora 13:00)

- Mbahet "Kumihimo Workshop"! në të cilen Hoko Tokoro, prezanton teknikën tradicionale Japoneze të quajtur Kumihimo, për krijimin e gërshetave me ngjyra nga fijet e mëndafshit. (Ambientet e Muzeut të Kosovësora 13:30)

- Lëvizja Vetëvendosje! do të organizojë tryezën e titulluar "Zgjidhja nëpërmjet zgjedhjeve", ku do jenë të ftuara subjektet politike në Kosovë. (Ambientet e Kuvendit, ora 11;00)