Zagreb, 23 korrik - Qeveria kroate nguli këmbë që Serbia të tërheqë ligjin e saj për juridiksion mbi krimet ushtarake të kryera në territorin e ish Jugosllavisë, kurse Ministri i Punëve të Jashtme Miro Kovaç bëri të ditur se në qoftë se Serbia arreston shtetas kroatë për shkak të krimeve ushtarake, atëherë Kroacia do të aplikojë kundërmasa të rrepta.

Një prej këtyre kundërmasave do të jetë bllokimi i plotë i të gjitha bisedimeve për aderimin e Serbisë në BE. Kroacia do të kontrollojë gjithashtu nëse Serbia i respekton të drejtat e viktimave të luftës dhe nëse bashkëpunon në identifikimin e personave të zhdukur.