Prishtinë, 29 qershor - Lëvizja VETËVENDOSJE! është e tronditur me sulmet e mbrëmshme në Stamboll. Lëvizja VETËVENDOSJE! u shpreh ngushëllime familjeve të viktimave dhe gjithë popullit turk.

Vrasja e njerëzve të pafajshëm, dhe shkaktimi i frikës në masë, janë krime që duhet dënuar gjithmonë, kudo që ndodhin. Krimet e tilla, siç janë monstruoze sa i përket dëmeve e terrorit që shkaktojnë, tregojnë po ashtu për mungesën e kohezionit e brishtësinë e shoqërive tona.

\"Në këto momente të gjithë duhet të ndajmë dhimbjen me popullin turk dhe t\'i shfrytëzojmë këto akte çnjerëzore për reflektim mbi zhvillimet politike në botë. Nuk duhet të pranojmë një shoqëri ku fashizmi, terrorizmi dhe diktaturat kanë ende hapësirë, por për këtë gjë nuk mjafton as ruajtja e status-quos që është terreni i cili ka prodhuar këto fenomene\", thuhet në telegraimin e Lëvizjes VETËVENDOSJE!.