28 Mars 2024

Politika britanike, në krizë pas "Brexit"

Londër, 27 qershor - Votimi javën e kaluar për daljen e Britanisë nga BE-ja ka sjellë probleme në politikën vendëse.

Trysnia ndaj liderit të opozitës Jeremy Corbyn për të dhënë dorëheqjen ka ardhur duke u shtuar. Partia Laburiste ishte pro qëndrimit në BE, por shumë veta në këtë parti janë të pakënaqur me mënyrën se si e drejtoi Corbyn fushatën.

Një numër i anëtarëve të qeverisë së tij në hije kanë dhënë dorëheqjen, teksa priten edhe dorëheqje të tjera.

Deputeti laburist Stephen Kinnock ka ngritur dyshime edhe mbi aftësinë e Corbyn-it për ta udhëhequr partinë në zgjedhjet e mundshme të përgjithshme në vjeshtë, kur kryeministri David Cameron të largohet nga detyra:

\"Pyetjes së rëndësishme së cilës duhet t\'i përgjigjet Jeremy është nëse ai beson sinqerisht se është udhëheqësi i duhur i partisë sonë për ta drejtuar atë në zgjedhjet e përgjithshme, veçanërisht në kontekstin e një detyre jashtëzakonisht të ndërlikuar të negociimit të \'Brexit\'.\"

Edhe numri dy i laburistëve Tom Watson është shprehur në një deklaratë se është \" thellësisht i zhgënjyer\" nga votimi për daljen nga BE-ja. 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)