Gjakovë, 28 maj - Ministri i Mjedisit dhe Planifikimit Hapësinor, Ferid Agani, së bashku me ministren e Zhvillimit Urban të Shqipërisë, Eglantina Xhermeni, do të marrin pjesë në shpalljen e projekteve fituese të konkursit “Profesionistët e Rinj për Bashkëpunim Ndërkufitarë“ Kosovë - Shqipëri për zonat ndërkufitare Gjakovë - Has - Tropojë me projektin “Shtigjet e Lirisë” dhe Prizren - Kukës me projektin ”Korridori i Gjelbër”.

Ceremonia e shpalljes së projekteve fituese, do të mbahet sot duke filluar nga ora 12:00 pranë Konsullatës së Nderit të Shqipërisë, në Çarshinë e Madhe në Gjakovë.