29 Mars 2024

Emiratet Arabe konfirmojn mbështetjen për Kosovën

Abu Dhabi, 23 nëntor - Presidentja e Republikës së Kosovës, zonja Atifete Jahjaga, u takua sot në Abu Dhabi me princin e kurorës, Sheikh Muhammed bin Zayed al Nahyan, me ftesë të të cilit po qëndron në Emiratet e Bashkuara Arabe. 

Presidentja Jahjaga dhe Sheikh Muhammed bin Zayed al Nahyan biseduan për avancimin e bashkëpunimit ndërmjet dy vendeve në fushën e ekonomisë dhe veçanërisht në shtimin e investimeve te EBA në Kosovë, në bujqësi, energji dhe infrastrukturë përmes projekteve konkrete. 

Sheikh Muhammed bin Zayed Al Nahyan konfirmoi mbështetjen e vendit të tij për Kosovën duke ritheksuar përkushtimin për thellimin e bashkëpunimit ndërmjet dy vendeve. 

Presidentja Jahjaga, me ftesën e princit të kurorës, ka marrë pjesë sot në garën e Formula 1 në Abu Dhabi, një ndër ngjarjet më të rëndësishme ndërkombëtare në këtë vend.

Në mesin e të ftuarve të princit të kurorës, me të cilët Presidentja Jahjaga pati rastin të bisedojë, ishin ish mbreti i Spanjës, Juan Carlos, mbreti Abdullah i II i Jordanisë, presidenti i Qipros, presidenti dhe ministri i jashtëm i Sejshel, presidenti i Gabonit, presidenti i Kenias dhe ministri i jashtëm i Etiopisë

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)