28 Mars 2024

Kadare: Shqipëria nuk e ka në program bashkimin me Kosovën

Tiranë, 22 nëntor - Shkrimtari shqiptar me famë botërore, Ismail Kadare, ka thënë se aktualisht shteti shqiptar nuk e ka në program bashkimin me Kosovën

Kadare, në një intervistë për gazetën italiane, “La Repubblica”, ka thënë se një ditë urrejtja në Ballkan do të zhduket, duke përqafuar evropianizimin.

Ai nuk ka dashur ta parashikojë fatin e Shqipërisë dhe të Kosovës në të ardhmen, por ka thënë se aktualisht shteti shqiptar nuk e ka në program bashkimin me Kosovën.

Ka mohuar çfarëdo paralelizmi ndërmjet Kosovë e Krimesë. Shfaqjen e elementit radikal islamik në Kosovë e sheh me ndikim të kufizuar dhe për një periudhë kohe të kufizuar, përcjell sot Koha Ditore.

Sipas Kadaresë, kjo do të jetë vetëm një valë kalimtare. Në qendër të mendimeve të shkrimtarit Ismail Kadare gjithmonë është Shqipëria, e ardhmja e saj, shpresa që vendi të mundë të hyjë sa më parë në Bashkimin Evropian.

/Koha Ditore/
 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)