Blloku nuk ka ndryshuar pozicion
Prishtinë, 20 tetor - Blloku opozitar nuk ka ndryshuar pozicion as pas vizitës së fundit të senatorit amerikan, Chris Murphy, si dhe dy takimeve të rastit të zhvilluara mes Hashim Thaçit, Isa Mustafës e Ramush Haradinajt.
Por burime të gazetës kanë thënë se zhvillimet e fundit kanë ndikuar që të relaksohen marrëdhëniet, sidomos mes PDK-së e LDK-s.
Po ashtu ka përpjekje që në një tavolinë të ulen Hashim Thaçi dhe Isa Mustafa, për të diskutuar rreth mundësisë së ndërtimit të koalicionit të ardhshëm.
Madje, sipas burimeve, pazari i LDK-së do të rritej dukshëm. Se do të ketë heqje dore nga pozicionet fillestare në mënyre që të bëhet i mundur funksionalizimi i Kuvendit, parashohin edhe analistët.
Por një gjë e tillë është mohuar nga zyrtarë të LDK-së.
/koha/