Prishtinë, 17 prill - Presidenti i grupit Klik Ekspo Group, nga Republika e Shqipërisë, Luan Muametaj do t’ia dorëzoj medaljen “Ylli i Gjeneralit”, ministrit të FSK-së Agim Çeku, në ambientet e Amfiteatrit të Brigadës për Mbështetje Operacionale (BMO), të FSK-së, në kazermën “Adem Jashari” në Prishtinë.

Medalja “Ylli i Gjeneralit” është mirënjohje e cila ndahet nga grupi Klik Ekspo Group në Republikën e Shqipërisë për ushtarakët që mbajnë gradën e Gjeneralit dhe që kanë kontribute të veçanta në luftë dhe në paqe për lirinë e popujve dhe dinjitetin njerëzor.

Të pranishëm në këtë ceremoni do të jenë: ministri i FSK-së Agim Çeku, komandanti i FSK-së, gjenerallejtënant Kadri Kastrati, zyrtarë dhe oficerë të lartë të MFSK-së dhe FSK-së.

Kurse mysafir nga Shqipëria do të jenë: Presidenti i grupit Klik Ekspo Group, Luan Muametaj, Elena agulli e bija e shkrimtarit Drtëro Agolli, Gjeneral brigade Agim Lala, Gjeneral brigade, Zija Bahja, Gjeneral brigade,  Vladimir Qirijazi, Dr. Luan Nikollari, Dr. Din Selimaj, Ormira Lulani, si dhe përfaqësues të medieve të Shqipërisë.