25 Maj 2018

Shqipëria eksportoi 7200 tonë bimë medicinale

Tiranë, 16 gusht - Shqipëria eksportoi 7200 tonë bimë medicinale me vlerë të përgjithshme prej rreth 1.8 miliardë lekësh (rreth 14 milionë euro) në vitin 2010, me rritje prej 20 përqindësh në krahasim me vitin 2009.

Lajmi bëhet i ditur nga raporti vjetor i Ministrisë së Bujqësisë. Eksporti i bimëve mjekësore vijon të jetë më i ulët se sa rekordi i shënuar në vitin 2008, kur u eksportuan gjithsej 9 mijë tonë.

Bimët medicinale grumbullohen nëpër malet e Shqipërisë nga fshatarët e varfër dhe eksportohen për t’u përdorur si lëndë e parë nga kompanitë farmaceutike apo ato të produkteve të bukurisë. Ato janë eksporte tipike të vendeve shumë të varfra, pasi në vendet e pasura, nuk ka leverdi për mbledhjen e tyre.

Çmimi mesatar i deklaruar në doganë për eksportin e bimëve medicinale në vitin 2010 qe 258 lekë për kilogram.

Fshatarët që i kanë mbledhur dhe i kanë tharë këto bimë marrin zakonisht 20-50 lekë për kilogram dhe ky aktivitet u ofron punë me pagesë ditore shumë të vogël.

Shqipëria ka eksportuar bimë medicinale gjatë kohës së komunizmit, kur ky aktivitet ofronte të ardhura shtesë për familjet e varfra të zonave malore, pasi punësonte fëmijët. Rreth 3 për qind e të gjitha të ardhurave të popullatës në vitet ‘80 krijohej nga grumbullimi i bimëve medicinale.

Kalendari

Ngjarjet e datës 25 Maj 2018

- Nën organizimin e Drejtorisë për Kulturë, Rini dhe Sport në Gjilan, Drejtorisë së Arsimit dhe Komitetit Olimpik të Kosovës mbahet aktiviteti i vrapimit të fëmijëve të lindur në vitin e shpalljes së Pavarësisë së Republikës së Kosovës, në shënim të Dites Olimpike. (Kazerma e FSK, ora 9:00)

- Agjencia e Punësimit në bashkëpunim më Programin e Kombeve të Bashkuara për Zhvillim mban ceremoninë e nënshkrimit të marrëveshjeve në mes të përfituesve të programeve aktive të tregut të punës, ku do të përfitojnë 270 punëkërkues. (Hotel Sirius, ora 10:00)

- Përfaqësues të Agjencisë për Menaxhimin e Komplekseve Memoriale dhe Komisionit Qeveritar për Persona të Zhdukur raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me gjendjen e memorialëve të Kosovës. (Ndërtesa e Kuvendit, salla N 303, ora 10:00)

- Nënkryetari i Komunës së Gjilanit, Arbër Ismajli merr pjesë në shpërndarjen e 90 pakove ushqimore për familjet në nevojë nga ana e organizatës Islamic Relief Kosova. (Gjilan, ora 11:00)

- Kryeministri Ramush Haradinaj pret në takim përfaqësues të klubit të futbollit “Drita” të Gjilanit, kampione e sivjetme. (Ndërtesa e Qeverisë, ora 11:00)

- Lidhja Demokratike e Kosovës mbanë konferencën e rregullt javore. (Selia qendrore e LDK-së, te Qafa, ora 11:00)

- Art and Community Center - Artpolis mban konferencë për medie lidhur me organizimin e edicionit të 6-të të festivalit më të madh feminist në Ballkan, FemArt. (Rings Restaurant, ora 12:00)

- Kryeministri Ramush Haradinaj mban konferencë për media. (Ndërtesa e Qeverisë, ora 13:00)

- Mbahet "Kumihimo Workshop"! në të cilen Hoko Tokoro, prezanton teknikën tradicionale Japoneze të quajtur Kumihimo, për krijimin e gërshetave me ngjyra nga fijet e mëndafshit. (Ambientet e Muzeut të Kosovësora 13:30)

- Lëvizja Vetëvendosje! do të organizojë tryezën e titulluar "Zgjidhja nëpërmjet zgjedhjeve", ku do jenë të ftuara subjektet politike në Kosovë. (Ambientet e Kuvendit, ora 11;00)