26 Shtator 2017

Policia e Mitrovicës, ende pa objekt të vetin

Mitrovicë, 20 dhjetor - Kryetari i komunës së Mitrovicës, Avni Kastrati, ka zhvilluar të hënën një takim me komandantin e stacionit jugor të policisë, Avni Zabeli, me të cilin ka biseduar për mundësinë e gjetjes së një objekti të përshtatshëm për vendosjen e stafit të këtij stacioni, por edhe të policisë rajonale.

Paraprakisht drejtuesit e këtij stacioni të policisë në Mitrovicë ju kanë drejtuar kryetarit me një kërkesë me shkrim për të shqyrtuar mundësinë që stafi i tyre të vendoset në objektin e ish-“Jugobankës”, e cila ende shfrytëzohet prej UNMIK-ut.

Kryetari Kastrati, fillimisht e ka njohur komandantin Zabeli për përpjekjet e komunës në lidhje me gjetjen e një vendi sa më të përshtatshëm për vendosjen e policisë.

Ai përmendi edhe objektin që shfrytëzohet prej UNMIK-ut, për çka tha se pritet që të lirohet deri në fund të  vitit. “Nëse realizohet ky premtim që është dhënë prej zyrtarëve të UNMIK-ut, atëherë ai objekt do t’i jepet policisë për shfrytëzim, edhe për stafin e stacionit jugor, por edhe për policinë rajonale”.

Në lidhje me objektin që shfrytëzohet prej UNMIK-ut, kryetari tha se ata kanë një staf shumë të vogël dhe është absurde që ta mbajnë të uzurpuar një godinë të tillë të madhe.

Ai foli edhe për vendimin e Kuvendit të Komunës për largimin e rrethojave përreth objekteve dhe institucioneve të ndryshme në Mitrovicë, duke përfshirë edhe UNMIK-un, OSBE-në, UNHCR-në etj.

Tha se fillimisht janë larguar rrethojat përreth komunës, në mënyrë që të reflektohet pozitivisht edhe për institucionet tjera.             

Ndërsa komandanti i stacionit jugor të policisë në Mitrovicë, Avni Zabeli, ka falënderuar kryetarin për mirëkuptimin dhe gatishmërinë për të ndihmuar. Ai theksoi se objekti që ende është duke u shfrytëzuar nga UNMIK-u është shumë i përshtatshëm për punën e tyre.

Në anën tjetër, tha se objekti ku janë të vendosur tani në lagjen “Iliridë”, është shumë në periferi të qytetit dhe nuk mundëson realizim të mirëfilltë të planeve operacionale.

Zabeli tha se kanë shumë pika statike kohëve të fundit dhe po kanë probleme si pasojë e mungesës së një objekti në vend të mirë dhe të përshtatshëm për punë.

“Policia në Mitrovicë, ka probleme prej përfundimit të luftës meqë në jug nuk ka asnjë objekt të vetin. Stafi i stacionit të policisë së jugut deri vonë ka qenë i vendosur në një objekt që ka qenë kinema dikur, ndërsa para një viti ishte dëmtuar një tërmeti dhe ishim detyruar të largoheshim edhe prej aty”, tha ai.

Zabeli potencoi se ata kanë nevojë për një objekt që siguron qasje më të mirë për zyrtarët policorë, derisa të ndërtohet objekti i tyre në pronën që është ndarë nga komuna.         

Kalendari

Ngjarjet e datës 26 Shtator 2017

- Shoqata e pemëve “Pema” nga Kovraga me përkrahjen e programit AGRO të USAID-it organizon tryezën e rrumbullakët me temë “Prodhimtaria e mollës në Kosovë - gjendja aktuale, perspektiva dhe sfidat”. (Fshati Kovragë i Istogut, vendi ku është organizuar zakonisht “Dita e Mollës”, ora 10:30)

- Ministria e Drejtësisë organizon konferencë për media, në të cilën do të marrin pjesë, Ministri i Drejtësisë, Abelard Tahiri dhe Kryeprokurori i Shtetit, Aleksandër Lumezi. (Ndërtesa e Ministrisë e Drejtësisë, ora 11:30)

- Ambasadori I ShBA-ve Greg Delawie do të flas në ceremonin e lansimit të Trekandit, kompania e parë e financuar dhe mbështetur  nga Gjirafa Lab. (Sheshi 21, ora 17:15)

- Muzeu i Kosovës, në kuadër të Ditëve të Trashëgimisë Evropiane me moton Ditët e Hapura hap ekspozitën me fotografi nga autori nga Turqia, Erhan Bayladi. (Muzeu i Kosovës, ora 19:00)

- Shfaqjet performanca teatrale “Copë Copë”. (Teatri i Qytetit “Adriana Abdullahu” në komunën e Ferizajit, ora 20:00)

 

Ngjarjet e fushatës zgjedhore


- Kandidati i Lidhjes Demokratike të Kosovës për kryetar të Prishtinës, Arban Abrashi, takohet me përfaqësueset e shoqatave te grave, i pranishëm do të jetë kryetari i LDK-së, Akademik Isa Mustafa. (Hotel Sirius, ora 11:00)

- Kandidati i AKR-së për kryetar të Prishtinës, Selim Pacolli, mban konferencën për medie për të diskutuar problemet dhe brengat e qytetarëve të Prishtinës. (Sheshi Skënderbeu, pranë ndërtesës së Qeverisë, ora 11:00)

- Kandidatit për kryetar të Prishtinës nga Partia Demokratike e Kosovës, Lirak Çelajt promovon Platformën zgjedhore. (Hotel "Sirius, ora 13:00)

- Dega e NISMA për Kosovën në Klinë do të bëj hapjen e fushatës elektorale për zgjedhjet lokale. (Shtëpia e kulturës “Jehona e Dukagjinit” në Klinë, ora 13:00)

- Kryetari i Komunës së Prishtinës, Shpend Ahmeti, mban sot konferencë për media lidhur me projektet që do të realizohen gjatë mandatit të dytë. (Zyra e Lëvizjes Vetëvendosje! në lagjen Arbëria, ora 14:00)
 
- Dega e NISMA për Kosovën në Istog do të bëj hapjen e fushatës elektorale për zgjedhjet lokale. (Restaurant Freskia në Istog, ora 15:00)

- Kandidatit për kryetar të Prishtinës nga Partia Demokratike e Kosovës, Lirak Çelaj bashkëbisedon dhe takohet me qytetarët "dorë më dorë". (Xhamia e Llapit, ora 15:00)

- Partia Demokratike e Kosovës dhe kandidati për kryetar të Podujevës, Hajredin Hyseni, do të takohen me qytetarë në qendër të Podujevës. (Podujevë, ora 15:00)

- Partia Demokratike e Kosovës dhe kandidati për kryetar për Podujevës, Hajredin Hyseni, do ta vizitojnë Fabrikën e Tekstilit “SSprint” në fshatin Letanc. (Letanc, ora 16:30)

- Lëvizja Vetëvendosje do të mbajë tubimin zgjedhor në qytetin e Vitisë, marrin pjesë kryetari Visar Ymeri, deputeti Albin Kurti, deputetja Shqipe Pantina dhe kandidati për kryetar të Vitisë, Salih Salihu. (Restaurant Lindi në Viti, ora 17:00)

- Dega e NISMA për Kosovën në Pejë do të bëj hapjen e fushatës zgjedhore. (Restaurant Universi në Pejë, ora 17:30)

- Aleanca për Ardhmërinë e Kosovës mban tubim zgjedhor në Pejë, merr pjesë edhe Kryeministri dhe Kryetar i AAK-së Ramush Haradinaj. (Hotel Dukagjini, ora 18:00)

- Aleanca për Ardhmërinë e Kosovës mban takim me fermerë të Pejës, merr pjesë Kryeministri dhe Kryetar i AAK-së, Ramush Haradinaj. (Restoran Koha 3, ora 19:00)

- Kandidati i Lidhjes Demokratike të Kosovës për kryetar të komunës të Prizrenit Dr. Hatim Baxhaku shpalos programin qeverisës dhe prezanton kandidatët për Asamble Komunale. (Kompleksi Lidhja e Prizrenit, ora 19:30)

- Partia Demokratike e Kosovës mban tubimin elektoral në Mitrovicë. (Hotel Palace, ora 19:00)