Indonezia goditet nga një tërmet me magnitudë 7 ballë
Jakarta, 28 korrik - Indonezia është tronditur nga një tërmet i fuqishëm me magnitudë 7 ballë në orët e parë të mengjesit të sotëm.
Sipas të dhënave të Qendrës Sizmologjike Amerikane, epiqendra e tërmetit ishte rreth 234 kilometra në perëndim të qytetit Jayapura, me një thellësi prej 52.9 kilometrash.
Nga të dhënat e para nuk raportohet për viktima, gjithashtu nuk ka pasur njoftim për cunam.
Indonezia është shumë e ekspozuar ndaj lëkundjeve sizmike për shkak të vendndodhjes së saj në të ashtuquajturën Unaza e zjarrit, në Paqësor.
Një tërmet gjigand më 26 dhjetor 2004, në det të hapur, shkaktoi një cunam në Oqeanin Indian, duke i marrë jetën rreth 230 mijë njerëzve, gjysma e të cilëve ishin nga provinca Aceh.