Beograd, 23 korrik - Serbia ka kohë deri më 1 shtator për të vendosur nëse do ti bashkangjitet vendeve të BE-së për ti vënë sanksione Rusisë për konfliktin në Ukrainë apo do të mbajë një qëndrim neutral.

Shteti serb po përballet me një presion të jashtëzakonshëm nga vendet perëndimore që të mbështesë BE-në në konfliktin e armatosur në Ukrainë, sidomos pas rrëzimit edhe të aeroplanit malajzian, raporton "Novosti".

Sipas kësaj të përditshmeje, në situatën më të rëndë gjendet kryeministri serb, Aleksandër Vuçiç, lidhur me vendimin që pritet të merret në shtator.