Prishtinë, 2 shtator - Derisa konsumatorët kosovarë përballeshin këto ditë me reduktime të ashpra të energjisë elektrike, KEDS-i ka shitur energji elektrike në vendet e rajonit.

Ky skandal i kompanisë turke “Çalik”, e cila e ka privatizuar distribucionin e energjisë elektrike, zbulohet sipas disa dokumenteve të cilat ka arritur t’i sigurojë gazeta “Zëri”.

Sipas këtyre dokumenteve, të hënën më 31 gusht 2015, përkatësisht nga ora 02:00 deri 07:00, kur në të gjitha komunat e vendit aplikoheshin reduktime të energjisë, KEDS-i ka eksportuar rreth 600 megavatë orë energji elektrike.

Burime të besueshme të gazetës “Zëri” bëjnë të ditur se aktualisht KEDS-i një megavat orë energji elektrike nga KEK-u është duke e blerë përreth 26.47 euro