28 Mars 2024

Ilazi: Të gjithë duhet të koordinohemi dhe zotohemi për zbatim të MSA-së

Ferizaj, 18 gusht – Ministria e Integrimit Evropian, organizoi sot tryezë diskutimi në Komunën e Ferizajt, me përfaqësues politik, përfaqësues të shoqërisë civile dhe qytetarë me temë “Mundësitë dhe sfidat në bashkëpunimin midis qytetarëve, qeverisë dhe shoqërisë civile në procesin e integrimit evropian”.

Me këtë rast zëvendësministri i Integrimit Evropian, z. Ramadan Ilazi, theksoi rëndësinë e komunikimit të mirëfilltë të procesit të Integrimit Evropian për qytetarët e Kosovës, si hap kyç për avancimin e bashkëpunimit mes qytetarëve, qeverisë dhe shoqërisë civile.

Po ashtu njoftoi të pranishmit lidhur me ecurinë e zbatimit të prioriteteve që dalin nga Marrëveshja e Stabilizim Asociimit. “MSA-ja është një marrëveshje historike për të ardhmen e Kosovës ndaj së cilës duhet të zotohemi dhe të koordinohemi të gjithë së bashku, përfshirë këtu komunat, shoqërinë civile dhe qytetarët në mënyrë që të zbatohet brenda afateve duke përshpejtuar rrugën tonë drejt integrimit në BE”, ka thënë ndër të tjera zëvendësministri Ilazi.


 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)