29 Mars 2024

Skocia rrit investimet në tregun kinez

Pekin, 30 korrik - Kryeministrja e Skocisë Nicola Sturgeon tha të mërkurën në Jiaxing të Kinës Lindore se dy ndërmarrjet skoceze që merren përkatësisht me tekstile dhe programe kompjuterike do të zgjerojnë biznesin e tyre në tregun kinez.

\"Kjo tregon që Kina ka dhënë më shumë besim për nivelin teknik të Skocisë në këto dy sektorë,\" thotë Sturgeon.

Sipas planit, kompania skoceze e tekstileve \"J&D Wilkie\" do të investojë 3 milionë paundë në Jiaxing për ndërtimin e një fabrike të re.

Ndërkohë, kjo kompani do të mbledhë biznesin e saj të prodhimit të fijeve në një vend, për të shtuar konkurrueshmërinë.

Krahas kësaj, edhe kompania \"Digimania\" ka njoftuar se do të ofrojë trajnim mbi përdorimin e programit \"3D Animation\" me Akademinë e Artit dhe Dizenjimit të Shangait dhe do të krijojë një ndërmarrje të përbashkët me kompaninë e teknologjisë së internetit \"Moyi\".

Nikola Sturgeon tha se sektori skocez i tekstileve është bërë i famshëm nga produktet që preferohen nga e gjithë bota.

\"Tekstili skocez është një kombinim perfekt i kreativitetit dhe risisë me cilësinë, këto janë tiparet që kërkojnë aktualisht ndërmarrjet dhe konsumatorët në Kinë,\" thotë Sturgeon. 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)