17 Janar 2018

Eksporti i Kosovës në Shqipëri është rritur me 11 për qind

Prishtinë, 30 gusht - Sot në pikën kufitare Vërmicë është mbajtur një takim i përbashkët i dy administratave Doganore të Kosovës dhe asaj të Shqipërisë.

Ushtruesi i detyrës së drejtorit të përgjithshëm Lulzim Rafuna priti sot zëvendës drejtorin e Doganës së Shqipërisë Gëzim Demushi me bashkëpunëtor. 

Në takim u diskutua rreth bashkëpunimit mes këtyre dy shteteve, ku si rezultat i këtij bashkëpunimi  vërehet edhe zhvillimi i bizneseve në të dy vendet.

Vetëm gjatë këtij gjashtë mujori importi i Shqipërisë është rritur me 30% kurse edhe eksporti Kosovar në Shqipëri është rritur me 11%. 

Temë tjetër ishin  edhe informimi lidhur me implementimin e procedurave te reja nga Dogana e Kosovës.

Sa i përket çështjes së importit përmes terminaleve doganore Rafuna tha se “Dogana e Kosovës nuk ka vendosur ndonjë taksë shtesë e cila duhet të paguhet, por se Dogana e Kosovës ka lëvizur nga zhdoganimet në kufi në zhdoganime të brendshme e cila është edhe një praktikë evropiane e cila zbatohet në të gjitha vendet evropiane dhe rajonale e që gjithashtu është kërkesë e Marrëveshjes së Stabilizim Asocimi (MSA) dhe procesit të liberalizimit të vizave”.

Demushi tha se edhe pala shqiptare është falënderuese dhe është e gatshme të bashkëpunojë për krijimin e lehtësirave doganore në kuadër të ligjeve respektove.”
 
Si rezultat i takimit të përbashkët dy Doganat u pajtuan që të themelojnë grupe punuese të përbëra nga stafi i dy Doganave ashtu që trajtohen procedurat Doganore të cilat do të ndikonin direkt në thjeshtësimin e mëtejmë të procedurave të importi dhe eksportit të mallrave.

 

Kalendari

Ngjarjet e datës 17 Janar 2018 - Mbahet mbledhje e Komisionit për Shëndetësi, Punë dhe Mirëqenie Sociale në të cilën do të behët shqyrtimi i projektligjit për ndërmarrjet sociale. (Ndërtesa e Kuvendit, sallaN 303, ora 10:00)

- Në kuadër të organizimeve në 550-vjetorin e vdekjes së Skënderbeut dhe Vitit Mbarëkombëtar të Skënderbeut, nesër më 17 janar 2018, zhvillohen homazhe te shtatorja e Skënderbeut. (Shtatorja e Skënderbeut, ora 10:00)

- Mbahet mbledhja e Komisionit për Administratë Publike, Qeverisje Lokale dhe Media në të cilën do të behët shqyrtimi i raportit të punës së Komisionit, për vitin 2017 si dhe shqyrtimi i draft-planit të punës së Komisionit, për vitin 2018. (Ndërtesa e Kuvendit, salla N204, ora 10:00)

- Për nder të 18 vjetorit të themelimit të Administratës Tatimore të Kosovës, do të mbahet shënimin simbolik të këtij përvjetori, në të cilin pjesëmarrës do të jenë Kryeministri i Republikës së Kosovës Ramush Haradinaj, Ministri i Financave Bedri Hamza, palët e interesit dhe donatorët. (Qendra e Shërbimit të Tatimpaguesve, ish-ndërtesa e Gërmisë, ora 11:00) 

- Mbahet mbledhja e Kryesisë së Kuvendit të Republikës së Kosovës. (Ndërtesa e Kuvendit,  salla  C 301, ora 11:00)

- Prezantohen projektet e studentëve, të cilët do të pasqyrojnë punën që është bërë gjatë semestrit dimëror 2017/18. (Fakulteti i Edukimit, ora 11:00)

- Mbahet mbledhje e Komisionit për të Drejtat, Interesat e Komuniteteve dhe për Kthim në të cilën do të behët shqyrtimi i Projektligjit për Tatimin në Pronën e Paluejtshme, me raport amandamente të Komisionit funksional për Buxhet dhe Finanaca. (Ndërtesa e Kuvendit, salla N 303, ora 12:00)

- Ministri i Ministrisë së Inovacionit dhe Ndërmarrësisë, Besim Beqaj do të vizitojë kompaninë e prodhimit të produkteve farmaceutike “Trepharm”. (Hapësirat e “Trepharm” në Sllatinë, ora 12:30)

- Komuna e Gjilanit ben zbulimin e bustit te heroit Gjergj Kastrioti - Skenderbeu. (Sheshi kryesore para zyres se kryetarit ne Gjilan, ora 13:00)

- Mbahet Akademi kushtuar 550 vjetorit të Skënderbeut, me ç ‘rast do të promovohet pulla postare e Postës së Kosovës dhe Postës së Maqedonisë në të cilen do të nderohen edhe figurat e shquara të shqiptarëve, Jusuf e Bardhosh Gërvalla dhe Kadri Zeka, në 36-vjetorin e vrasjes së tyre. (Teatri Kombëtar të Kosovës, ora  15:00)

- Komuna e Gjilanit organizon akademin e Flakes se Janarit 2018, qe i kushtohet 550 vjetorit te vdekjes se heroit kombetar Skenderbeu dhe 50 vjetorit te protestave masive per flamurin kombetar. (Teatri i Qytetit, ora 16:00)

- Muzeu i Kosovës, me nismën e "Museum Illyricum" - Zvicër, organizojnë ekspozitë me libra; pulla dhe bankënota nga mesjeta e deri në vitet '30-ta. (Lapidariumin e Muzeut të Kosovës, ora 18:00)

- Hapet ekspozitë 55 portrete për 550-vjetorin e vdekjes së Skënderbeut dhe Vitit Mbarëkombëtar të Skënderbeut. (Swiss Diamond Hotel, ora 18:00)

- Në 550 vjetorin e vdekjes së heroit kombëtar Skenderbeu dhe 50 vjetorit të protestave masive për flamurin kombëtar organizon aktivitetin Peneli i Flakes. (Teatri i Qytetit të Gjilanit, ora 19:00)