26 Maj 2020

Italianët e interesuar për investime në Kosovë

Prishtinë, 31 maj - Ministri i Zhvillimit Ekonomik, Besim Beqaj ka pritur një delegacion me biznesmenë nga Italia, të cilët i ka informuar me zhvillimet ekonomike në vend dhe reformat e ndërmarra nga Qeveria për përmirësimin e mjedisit biznesor.

Ministri Beqaj para investitorëve italianë është shprehur se Italia është një partner i natyrshëm i Republikës së Kosovës, e veçanërisht në fushën e bashkëpunimit ekonomik.

“Kosova qëndron në pozitë të avancuar sa i përket legjislacionit në fushën e investimeve krahasuar me vendet rajonit”, ka thënë Beqaj, ndërsa ka shpalosur projektet aktuale të cilat janë në zhvillim e sipër.

Nga ana tyre investitorët italianë kanë shfaqur interesin e tyre për investime në  burimet e ripërtërishme të energjisë, miniera dhe industrinë ushqimore me ç’rast ministri u ka shpjeguar procedurat e investimeve në këto fusha.

“Kosova ka një pozitë të favorshme në aspektin gjeografik dhe së fundi ka shënuar zhvillim në drejtim të përmirësimit të infrastrukturës fizike, e cila është parakusht për fuqizimin e sektorit privat në vend”, ka thënë ministri Beqaj.

Kreu i MZHE-së po ashtu i ka informuar afaristët italianë për mundësitë e mira për investime në sektorët e minierave dhe turizmit.

Ndryshe, takimi është organizuar me iniciativën e Odës  Ekonomike Italo-kosovare


 

Kalendari

Ngjarjet e datës 26 Maj 2020 - Komisioni për Integrim Evropian diskuton lidhur me përmbushjen e obligimeve të Kosovës, në procesin e liberalizimit të vizave dhe shqyrton raportin e Ministrisë së Integrimit Evropian lidhur me financimin e Kosovës nga BE-ja, në luftimin e COVID-19. (Ndërtesa e Kuvendit, N303, ora 11:00)  

- Komisioni për Shëndetësi dhe Mirëqenie Sociale takohet me Sekretarin e Ministrisë së Shëndetësisë, Naim Bardiqi. (Ndërtesa e Kuvendit, N302, ora 11:00)

- Komisioni për Ekonomi, Punësim, Tregti, Industri, Ndërmarrësi dhe Investime Strategjike shqyrton Raportin Vjetor të Zyrës së Rregullatorit të Energjisë (ZRrE) për vitin 2019. (Ndërtesa e Kuvendit, salla N10, ora 11:00)

- Presidenti i vendit, Hashim Thaçi,  do ta vizitojë Oden Ekonomike të Kosovës. (Lokalet e OEK-ut, ora 11:30)

 - Kryetari i AAK-së, Ramush Haradinaj, merr pjesë në ceremoninë e zbulimit të lapidarit të dëshmorit Luan Qerimaj dhe 4 dëshmorëve tjerë, në Gllogjan. (Te vendi i quajtur Lejthia, Gllogjan, Deçan, ora 11:30)

- Instituti Demokraci për Zhvillim Sfidat dhe nevojat e nënave vetë-ushqyese në kohë (pas)pandemie”  (Përmes platformës online, Google Meet, ora 17:00 - https://forms.gle/HAxFHsHEScpDdMx99)