19 Nëntor 2017

Ministria e tregtisë shet “xhipa” për 1200 euro

Prishtinë, 4 tetor - Ministria e Tregtisë dhe Industrisë(MTI), e cila drejtohet nga Mimoza Kusari – Lila, përmes një ankandi ka shitur hiç më pak se 195 vetura për 234 mijë euro, ku mesatarja për veturë i bie rreth 1200 euro, shkruan në numrin e sotëm gazeta \"Zeri\".

Veturat e dala në ankand, sipas zyrtareve të kësaj Ministrie, janë kryesisht xhip “KIA Sportage” të cilat i ka përdor deri vonë Policia e Kosovës.

Sipas njoftimit të ankandit, këto vetura janë të prodhuara në vitin 2001, 2002 dhe 2003, ku pjesa dërmuese e tyre kanë qenë me defekte, apo kanë qenë të aksidentuara.

Po ashtu, përveç veturave të policisë në këtë ankand ka pasur edhe disa vetura ‘Lada Niva” të Ministrisë së Drejtësisë dhe asaj të Punës dhe Mirëqenies Sociale. Në njoftimin zyrtar për shitjen e tyre thuhet se shitja e automjeteve bëhet në pajtim me Ligjin për tregtinë e brendshme, Udhëzimin administrativ nr. 2008/03 “për procedurat e shitjes së mallrave me ankand publik” dhe vendimit të Qeverisë së Kosovës nr. 07/22 .

Sipas tyre, të drejtë pjesëmarrjeje në ankandin publik kanë pasur të gjithë personat fizikë dhe juridikë, duke paguar pjesën garantuese për pjesëmarrje në ankand në vlerë prej 10% të çmimit fillestar të ankandit.

Bajram Shala, zyrtar për media në Ministrinë e Tregtisë dhe Industrisë thotë se në këtë ankand kanë qenë 272 vetura, ku vetëm 195 janë shitur. Sipas tij, nga shitja e tyre, Ministria ka mbledhur 234 mijë e 199 euro.

Por, në anën tjetër përfaqësues të shoqërisë civil dhe partive opozitare në Kuvendin e Kosovës thonë se përmes tenderëve dhe ankandeve po dëmtohet në masë të madhe prona publike.

Avni Zogiani nga organizata për dinjitet dhe antikorrupsion “Qohu” thotë se Qeveria e Kosovës në vazhdimësi organizon ankande për shitje të veturave. Sipas tij, udhëheqës të Qeverisë janë duke bërë biznes me asete publike.

Zogiani thotë se Kosova nuk është aq e pasur sa duhet të ndërrojë thuajse çdo vit veturat. “Në këso rastesh duhet të krijohet një komision i veçantë dhe një pjesë e madhe e veturave duhet të riparohen e jo të shiten me çmim më të ulët se sa është vlera e tyre për t’u shitur si hekurishte”, tha ai.

Edhe Safet Gërxhaliu, kryetar i Odës Ekonomike të Kosovës thotë se institucionet e vendit në vazhdimësi përballen me kritika dhe akuza për menaxhim jo të mirë të parasë publike. Sipas tij, edhe në rastin e shitjes së veturave përmes ankandit institucionet e vendit do duhet të kujdeseshin që ato vetura të riparohen e jo të shitën me çmime ekstrem të ulëta.

Ai tha se me veprime të tilla në masë të madhe dëmtohet pasuria e shtetit, e krijuar nga taksat e qytetarëve të Kosovës. “Qeveritarët tanë duhet më shumë të kujdesen për pronën shtetërore, sepse ajo është e krijuar me djersen e qytetareve të Kosovës”,tha ai.

Çështja e menaxhimit jo të mirë të veturave zyrtare thuajse është evidentuar edhe në çdo raport të hartuar edhe nga zyra e Auditorit Gjeneral të Kosovës./Zëri/

Kalendari

Ngjarjet e datës 19 Nëntor 2017 - Kryetarja e KQZ-së, Valdete Daka do të votojë në Prishtinë ku me pas votimit do të jap deklaratë për media për fillimin e votimit për kryetar në 19 komuna dhe rivotimin për kryetar të komunës së Parteshit. (Qendra e Votimit 1907E në Fakultetin Teknik, ora 07:00)

- Komisioni Qendror i Zgjedhjeve mban konferencën e parë për media lidhur me hapjen e qendrave të votimit në Republikën e Kosovës. (Qendra mediale të KQZ-së, ora 8:00)

 - Kongresmenit amerikan, Eliot Engel do të vizitojë qendrën e thirrjeve të Demokracisë në Veprim. (Qendra për media e DnV-së në Hotel Sirius, ora 9:00)

- Deputeti i i Lëvizjes Vetëvendosjes, Albin Kurti  voton Fakulteti Juridik  të Universitetit te Prishtinës. (Qendra e votimit 1913E, Vendvotimi - 1913E/03R , ora 9:00)

- Kongresmeni amerikan, Eliot L. Engel do të vizitojë Komisionin Qendror të Zgjedhjeve, ku do të pritet nga anëtarët e KQZ-së dhe me pas do të japin nga një deklaratë para gazetarëve. (Selia e KQZ-së, ora 9:20)
 
- Demokracia në Veprim mban konferencën e parë për media lidhur me hapjen e vend votimëve. (Qendra për media e DnV-së në Hotel Sirius, ora 9:30)

- Kandidatja e PDK-së për kryetare të Komunës së Mitrovicës, Valdete Idrizi, voton në shkollën fillore “Çajupi”. (Mitrovicë, ora 9:30)

- Kryetari i Komunes se Gjilanit, Lutfi Haziri voton në shkollën fillore “Abaz Ajeti”. (Gjilan, ora 9:45)

- Kandidati i i Lëvizjes Vetëvendosjes për kryetar të Gjilanit Sami Kurteshi voton në Gjilan. (Shkolla fillore "Selami Hallaqi", ora 10:00)

- Kryeministri i Republikës së Kosovës, Ramush Haradinaj me bashkëshorten Anita Haradinaj, do të votojnë  në Shkollën e Mjekësisë “Ali Sokoli”. (Prishtinë, ora 10:00)

- Kryetari i Prishtinës, Shpend Ahmeti voton në Shkollë fillore "Faik Konica". (Qendra e votimit 1903E, Vendvotimi - 1903E/01R, ora 10:00)

- Kandidati i i Lëvizjes Vetëvendosjes për kryetar të Prizrenit Mytaher Haskuka voton në Prizren. (Shkolla e mesme  "11 Marsi", ora 11:00)

- Kandidati i i Lëvizjes Vetëvendosjes për kryetar të Podujevës, Ajet Potera voton në Podujevë. (Shkolla fillore “Naim Frashëri”, ora 10:00)

- Kandidati i i Lëvizjes Vetëvendosjes për kryetar të Kaçanikut, Basri Kodra voton në Kaçanik. (Shkolla Fillore “Emin Duraku”, ora 10:30)

- Kryetari i Lëvizjes Vetëvendosjes Visar Ymeri voton në Shkollen fillore "Faik Konica" ne Prishtinë. (Qendra e votimit 1903E, Vendvotimi - 1903E/09D në objektin e shkollës, ora 11:00)

- Komisioni Qendror i Zgjedhjeve mban konferencën e dytë për media lidhur me pjesëmarrjen në votime dhe për procesin zgjedhore deri në ora 11:00. (Qendra mediale të KQZ-së, ora 11:30)

- Zëvendëskryeministri i Kosovës, Fatmir Limaj do të votojë në shkollën fillore Faik Konica. (Prishtinë, ora 12:00)

- Aleanca për Ardhmërinë e Kosovës, do të zhvilloj konferencën e rregulltë për media. (Salla e Mediave në Selinë Qendrore të AAK-së, ora 12:00)

- Kandidati i i Lëvizjes Vetëvendosjes për kryetar të Kamenicës Qëndron Kastrati voton në Kamenicë. (Gjimnazi “Ismail Qmali”, ora 12:00)

- Lidhja Demokratike e Kosovës në Gjilan mban konferencën e radhës për media. (Selia e LDK-së, ora 12:00)

- Lëvizja Vetëvendosje mban konferencë për media në të cilën do të flasin Nënkryetari dhe deputeti, Dardan Sejdiu. (Zyret e Vetëvendosjes në lagjen "Arbëria", ora 12:00)

- Demokracia në Veprim mban konferencën e dytë për media lidhur me mbarëvajtjen e procesit te votimit. (Qendra për media e DnV-së në Hotel Sirius, ora 14:00)

- Komisioni Qendror i Zgjedhjeve mban konferencën e tretë për media lidhur me pjesëmarrjen në votime dhe për procesin zgjedhore deri në ora 15:00. (Qendra mediale të KQZ-së, ora 15:30)

- Aleanca për Ardhmërinë e Kosovës, do të zhvilloj konferencën e rregulltë për media. (Salla e Mediave në Selinë Qendrore të AAK-së, ora 16:00)

- E Diela e tretë e muajit Nëntor shënon Ditën Botërore për Përkujtimin e Viktimave në Trafikun Rrugor me c'rast behët ndezja e qirinjëve, në nderim të viktimave të cilët kanë humbur jetën në aksidente trafiku. (Teatri Kombëtar në Prishtinë, ora 17:00)

- Demokracia në Veprim mban konferencën e tretë për media lidhur me mbarëvajtjen e procesit te votimit. (Qendra për media e DnV-së në Hotel Sirius, ora 19:00)

- Komisioni Qendror i Zgjedhjeve mban konferencën e katertë për media lidhur me pjesëmarrjen në votime dhe për procesin zgjedhore deri në ora 19:00. (Qendra mediale të KQZ-së, ora 20:00)