Londër, 8 shkurt - Skuadra londineze po mendon për zgjatjen e bashkëpunimit me Alexis Sanchez, lajm ky që është publikuar nga “Football Insider”.

Mësohet se tashmë drejtuesit e “Topçinjve” kanë nisur bisedimet me sulmuesin 27-vjeçar në lidhje me këtë çështje.

Gjithnjë sipas “Football Insider”, kiliani pritet të firmosë me klubin londinez një kontratë të re 5-vjeçare për një pagë totale prej 51 milionë paundësh.
 
Ndërsa te Manchester City është Sergio Aguero ai që kërkon qëndrimin në “Ettihad Stadium” për një kohë më të gjatë. Sipas tabloidit “The Sun”, sulmuesi argjentinas dëshiron që të firmosë kontratën e re me “Citizens” përpara mbërritjes në skuadër të trajnerit Pep Guardiola.