Munich, 30 janar - Bayern Munich është tërhequr nga gara për transferimin e yllit të Borussia Dortmundit, Marco Reus.

Sipas mediave gjermane, gjiganti bavarez ka vendosur që të mos hidhet pas Reusit – i cili pritet të largohet nga klubi pas përfundimit të këtij sezoni – sepse ka opsione të mjaftueshme në repartin ofanziv.

Po ashtu, lëndimet e fundit të reprezentuesit gjerman paraqesin brengë serioze për gjendjen e tij fizike dhe Bayern nuk dëshiron t’i tensionojë raportet edhe ashtu të këqija me Borussia Dortmundin.

Tërheqja e Bayernit do t’i shkojë në favor Real Madridit një prej klubeve të interesuara për Reusin.