Munich, 19 shtator - Granit Xhaka gjeti një iPhone në fushën e lojës gjatë duelit të Borussia Monchengladbach kundër Villarrealit, në kuadër të fazës së grupeve në Europa League.

Në një prej ngjarjeve më të pazakonshme në ndeshjet e mbrëmshme në Europa League, dueli mes Borussia Monchengladbachut me Villarrealin u ndërpre shkurtazi kur Granit Xhaka gjeti një iPhone në fushë.

Mesfushori kosovar i Monchengladbachut i rezistoi realizimit të një selfie në fushë dhe ia dorëzoi telefonin gjyqtarit, derisa të gjithë u befasuan se si përfundoi në fushën e lojës.