Los Angeles, 3 maj - Eurovizioni do të transmetohet për herë të parë sivjet në ShBA drejtpërdrejt.

Televizioni amerikan "Logo" ka njoftuar se do ta transmetojë festivalin europian të këngës drejtpërdrejt dhe pa reklama më 14 maj.

\"Eurovizioni\" do të shfaqet gjithashtu ekskluzivisht në ShBA në uebsajtin dhe aplikacionin në celular të \"Logos\".

\"Eurovizioni\" ka nisur në vitin 1956 dhe është festivali më jetëgjatë ndërkombëtar i këngës.

Secili vend pjesëmarrës paraqet një këngë origjinale që interpretohet drejtpërdrejt në televizion e radio, dhe pastaj voton për këngët e vendeve të tjera, për të përcaktuar fituesen.

Edicioni i 61-të i \"Eurovizionit\" do të organizohet në \"Globe Arena\" të kryeqytetit të Suedisë Stokholm.