28 Mars 2024

60 ditë afat për pronarët e objekteve në Qendrën Historike të Prizrenit

Prizren, 11 shkurt - Task Forca për Qendrën Historike të Prizrenit, ka mbajtur të mërkurën në Prizren mbledhjen e shtatës të radhës.

Në këtë takim u prezantuan 35 raste të cilat shumica prej tyre, nuk i kanë respektuar kushtet e lejes ndërtimore sipas ligjit të QHP-së.

Kryesuesi i Task Forcës, Qemajl Hasani, deklaroi se misioni i Task Forcës është ta ndihmojë procesin me sugjerime dhe rekomandime që ligji i QHP-së të zbatohet në përpikëri.

Ndërkaq, drejtori i Urbanizimit, Njazi Kryeziu, deklaroi se janë të vendosur  që së bashku me Inspektoriatin Komunal, të gjitha rastet t\'i trajtojnë në mënyrë të barabartë duke e respektuar në plotëni ligjin për QHP-në.

Task Forca në bashkëpunim me Sekretariatin e saj mori vendim që t\'ju jepet një afat prej 60 ditësh pronarëve për sanimin e objekteve të tyre, në përputhje me standardet e përcaktuara me Ligjin për Qendrën Historike të Prizrenit.

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)