Interesi i nxënësve dhe prindërve është vijimi i rregullt i mësimit
“Me këtë vendim është plotësuar kërkesa kryesore e Sindikatave të Arsimit të cilat kanë paralajmëruar grevë për plotësimin e kësaj kërkese dhe shfrytëzoi rastin që të ftoi të gjithë mësimdhënësit, nxënësit, që të hënën të jenë në shkolla dhe të mos e humbin asnjë orë të mësimit sepse interesi i nxënësve dhe prindërve është vijimi i rregullt i mësimit”, tha ministri Bajrami.
Ministri Bajrami në vazhdim theksoi se pozita materiale e mësimdhënësve është e krahasueshme me pozitën e mësimdhënësve të rajonit dhe se duhet të fokusohemi në ngritjen e cilësisë ndërsa Qeveria e Republikës së Kosovës do të ketë kujdes të përhershëm në këtë çështje.
“Ne kemi nevojë që të punojmë në ngritjen e cilësisë në të gjitha dimensionet, të sigurojmë mësimdhënie cilësore për interes të fëmijëve tanë andaj i ftoi të gjitha Drejtoritë Komunale të Arsimit , të gjithë drejtorët, mësimdhënësit , prindërit dhe nxënësit që të hënën të gjithë të jen në shkolla dhe të përmbyllet me suksese ky gjysëmvjetor“ , tha në fund ministri Bajrami.
Vendimi ka hyr në fuqi nga dita e sotme ndërsa për zbatimin e tij obligohen ministra e Arsimit , Ministria e Financave dhe institucionet tjera .
