20 Shtator 2019

Projekti atomi zgjatë afatin e aplikimit për inteligjentët

Prishtinë, 26 nëntor - Projekti ATOMI, i cili merret me identifikimin dhe përkrahjen e nxënësve me inteligjencë të jashtëzakonshme në Kosovë, ka mbajtur një konferencë për media sot, me c’rast ka vënë nëë theks të vecantë rëndësinë e identifikimit të nxënësve me inteligjencë të jashtëzakonshme, duke inkurajuar në vecanti prindërit që të nominojnë fëmijët e tyre, pasi sipas analizave ata janë identifikuesit më të mirë.

Profesor, Nait Vrenezi i cili është mbikqyrës i Projektit ATOMI tha se shtrirja nëpër komunat e Kosovës është në nivel të kënaqshëm, me përjashtim të disa qyteteve si Peja, Prizreni, Gjilani dhe Malisheva që kanë numër të vogël aplikuesish, prej 2-5 nxënës.

“Marrë parasysh popullatën, që kanë këto qytete, sidomos Peja, Prizreni dhe Gjilani është e pamundur që një numër kaq i vogël i fëmijëve të aplikoj, pasi sipas statistikave vendore dhe botërore është e dëshmuar që identifikimi i personave me inteligjencë të jashtëzakonshme gjithmonë është në proporcion me popullatën e atij vendi.

Prandaj inkurajojmë të gjithë nxënësit që mendojnë se kanë tipare të fëmijëve inteligjentë, sidomos nxënësit nga këto rajone që të aplikojnë”, ka thënë ndër tjerash Profesor Vrenezi.

Projekti ATOMI, është vlerësuar si projekt i rëndësisë dhe interesit kombëtar nga Ministria e Arsimit, Shkencës dhe Teknologjisë në vitin 2011, prandaj identifikimi i hershëm i fëmijëve me inteligjencë të jashtëzakonshme është i një rëndësie të vecantë.
  
Projekti ATOMI këtë vit synon të përfshijë të gjithë nxënësit prej klasës VIII deri XII nga të gjitha shkollat e Kosovës, përkatësisht do t’u ofrojë mundësi të gjithë këtyre nxënësve që të nominohen apo të aplikojnë. Të gjithë nxënësit mund të nominohen nga prindërit apo familja, mësimdhënësit, shoqëria apo të vetënominohen.

Afati i aplikimit-nominimit ka qenë i paraparë të jetë i hapur deri më 30 nëntor 2014, mirëpo për shkak se kemi informata nga terreni se në disa komuna nxënësit janë informuar me vonesë për mundësinë e aplikimit në Projektin ATOMI, atëherë është vendosur që afati i aplikimit-nominimit të zgjatet deri më 12 dhjetor 2014.

Andaj, inkurajohen të gjithë të interesuarit, nxënës të klasëve VIII deri XII, që të shfrytëzojnë mundësinë për të aplikuar në Projektin ATOMI.

Pas procesit të nominimit/aplikimit, aplikuesit do t’i nënshtrohen një procesi disafazësh të seleksionimit, i cili do të realizohet përmes përdorimit të testeve të standardizuara të inteligjencës, nga i cili do të përzgjidhen 50 nxënësit më të mirë, të cilëve synohet që t’ju sigurohet këshillim dhe përcjellje e vazhdueshme, mentorim nga profesionistët, qasje në literaturë të avancuar, kamp veror, Shkolla+ me kurse të avancuara, avancim në shkollim, vizita studimore, ndërmjetësim për bursa, etj.. Të gjitha shërbimet e përmendura më sipër do të ofrohen falas nga Projekti ATOMI.
 

Kalendari

Ngjarjet e datës 20 shtator 2019 - Mbahet konferenca e parë për shtyp nga Kryesuesja e Misionit e Bashkimit Europian per monitorimin e zgjedhjeve te parakohshme parlamentare në Kosovë, Viola von Cramon-Taubadel. (Hotel Swis Diamond, ora 10:00)

- Instituti për Politika Zhvillimore organizon ngjarjen “Pesë fjalimet për Qëndrueshmëri – Lokalizimi i Agjendës 2030 në Kosovë”. (Amfiteatri i Biblotekës Kombëtare “Pjetër Bogdani”, ora 10:00)

- Caritasi Zvicerran organizon ceremoninë zyrtare me rastin e shënimit të 20 vjetorit në Kosovë. (Hotel Sirius, ora 10:00)

- Ministri i Kulturës, Rinisë dhe Sportit, Kujtim Gashi merr pjesë në Panairin e punësimit në Prizren. (Palestra sportive në Prizren, ora 11:00)

- Let's Do It Kosova organizon konferencë për media, ku do të prezentohen aktivitetet e planifikuara të cilat do të zhvillohen për Ditën e Pastrimit të Botës. (Zyret e Let's Do It në Pejton, rruga "Pashko Vasa", ora 11:00)

- Komuna e Prishtinës në bashkëpunim me Zyren e Bashkimint Evropian në Kosovë organizon zhvillon aktivitetin "Ngasja e çiklizmit - knaqesi dhe shendet". (Amfitetari sheshi "Zahri Pajaziti", ora 12:00)

- Lëvizja FOL organizon diskutimin e pestë në kuadër të Forumit FOL Hapur me Fatmir Limaj, Kandidat për Kryeministër nga Koalicioni NISMA-AKR-PD. (Lëvizjes FOL, ora 12:30)

- Kryeministri në detyrë, Ramush Haradinaj, merr pjesë në 20-vjetorin e themelimit të RTV Mitrovica. (Restorant Skandinavia, Koshtovë - Mitrovicë, ora 13:00)

- Filmi ZANA me regji te Antoneta Kastrati, nominimi i Kosoves për Oscars, pas premieres boterore ne festivalin e madh te Torontos shfaqet per gazetar në Cineplexx Kosove. (Cineplexx, Albi Mall,  ora 13:00)

- Ministri i Kulturës, Rinisë dhe Sportit, Kujtim Gashi merr pjesë në venien e gurthemelit te palestrës sportive në Dragash. (Dragash, ora 14:00)

- Zhvillohet defileu u grupeve që marrin pjesë në Festivalin Ballkanik të Folklorit. (Nisja nga shkollfa fillore “Selman Riza” përgjatë rrugës “Dardania”, ora 18:00)

- Fillon edicioni i III-të i Festivali Ballkanik të Folklorit në të cilin do të marrin pjesë Ansamble dhe grupe nga: Shqipëria, Kroacia, Bullgaria, Turqia, Maqedonia e Veriut, Mali i Zi dhe Kosova. (Ambientet e Shkollen fillore “Mihal Grameno” në Fushë-Kosovë, ora 19:00)