29 Mars 2024

Filluan diskutimet për çerdhet me bazë në komunitet

Prishtinë, 30 korrik -Të martën, më 29 korrik, Komuna e Prishtinës mbajti takimin e parë publik me banorët e lagjes Mati për funksionalizimin e çerdhes me bazë në komunitet. Fitore Pacolli, drejtuese e Kabinetit, së bashku me Fatos Osmanin, zyrtar i lartë i Arsimit në Drejtorinë komunale të arsimit prezantuan para banorëve modelin e ri të çerdhes me bazë në komunitet që do të hapet në shtator të këtij viti.

Model i çerdhes me bazë në komunitet, i cili do të fillojë si pilot projekt gjatë shtatorit në lagjen "Mati" ku dhe ka filluar rinovimi i objektit, është dizajnuar në përputhje me Ligjin "Mbi Edukimin Parashkollor Nr. 02/L-52" dhe Udhëzimin Administrativ Nr. 42/2007.

Gjatë diskutimit me banorët u vendos që të hartohet një listë me emrat e prindërve të lagjes të cilët kanë nevojë për çerdhe. Lista pritet të hartohet gjatë javës.

Takimi i radhës u caktua të mbahet të martën, më 5 gusht, në ora 18:00 në shkollën fillore “Mitrush Kuteli”.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)