25 Maj 2018

Këshilli Ndërministror shqyrton masat kundër Etheve Hemorragjike

Prishtinë, 29 korrik - Kryesuar nga Ministri i Shëndetësisë i Republikës së Kosovës, Ferid Agani, sot pasdite në Ministrinë e Shëndetësisë u mbajt takimi i Këshillit Ndërministror për luftimin dhe parandalimin e Etheve Hemorragjike Krime Kongo në Kosovë.

Ky këshill, formimin e të cilit e ka miratuar Qeveria e Republikës së Kosovës, me propozim të Ministrit Agani, ka për qëllim koordinimin e veprimeve dhe të aktiviteteve me qëllim të sigurimit të mbikëqyrjes dhe monitorimit të vazhduar të planit të veprimit të Strategjisë së Etheve Hemorragjike Krime Kongo (EHKK) në Kosovë.

Në takimin e sotëm, kryesuesi i Këshillit, Ministri Agani ka njoftuar përfaqësuesit e subjekteve pjesëmarrëse në këtë Këshill me hapat dhe aktivitetet që janë duke u ndërmarrë me qëllim të ballafaqimit me Ethet Hemorragjike Krime Kongo.

Kurse përfaqësuesit  e resorëve të ndryshëm në Këshill, kanë raportuar për ecurinë e EHKK, e cila në periudhën  2 mars - 29 korrik 2013, ka rezultuar me raportimin e 4299 pickime, 138 raste të trajtuara sit ë dyshimta në EHKK, prej të cilave 23 kanë rezultuar pozitive, derisa ka pasur edhe tetë persona që kanë humbur jetën si pasojë e infektimit me Ethe Hemorragjike Krime Kongo.

Në Këshill janë të përfaqësuara Ministria e Shëndetësisë, Instituti Kombëtar i Shëndetësisë Publike, Qendra Klinike Universitare e Kosovës, Ministria e Bujqësisë dhe Zhvillimit Rural, Agjencia e Ushqimit dhe Veterinës, Ministria e Mjedisit dhe Planifikimit Hapësinor, Ministria e Punëve të Brendshme, Ministria e Financave, Ministria e Administrimit të Pushtetit Lokal si dhe Ministria e Forcës së Sigurisë së Kosovës.

Takimi i radhës i Këshillit mbahet të premten, më 2 gusht 2013. 

Kalendari

Ngjarjet e datës 25 Maj 2018

- Nën organizimin e Drejtorisë për Kulturë, Rini dhe Sport në Gjilan, Drejtorisë së Arsimit dhe Komitetit Olimpik të Kosovës mbahet aktiviteti i vrapimit të fëmijëve të lindur në vitin e shpalljes së Pavarësisë së Republikës së Kosovës, në shënim të Dites Olimpike. (Kazerma e FSK, ora 9:00)

- Agjencia e Punësimit në bashkëpunim më Programin e Kombeve të Bashkuara për Zhvillim mban ceremoninë e nënshkrimit të marrëveshjeve në mes të përfituesve të programeve aktive të tregut të punës, ku do të përfitojnë 270 punëkërkues. (Hotel Sirius, ora 10:00)

- Përfaqësues të Agjencisë për Menaxhimin e Komplekseve Memoriale dhe Komisionit Qeveritar për Persona të Zhdukur raportojn para Komisionit për të Drejtat e Njeriut, Barazi Gjinore, për Persona të Pagjetur dhe Peticione lidhur me gjendjen e memorialëve të Kosovës. (Ndërtesa e Kuvendit, salla N 303, ora 10:00)

- Nënkryetari i Komunës së Gjilanit, Arbër Ismajli merr pjesë në shpërndarjen e 90 pakove ushqimore për familjet në nevojë nga ana e organizatës Islamic Relief Kosova. (Gjilan, ora 11:00)

- Kryeministri Ramush Haradinaj pret në takim përfaqësues të klubit të futbollit “Drita” të Gjilanit, kampione e sivjetme. (Ndërtesa e Qeverisë, ora 11:00)

- Lidhja Demokratike e Kosovës mbanë konferencën e rregullt javore. (Selia qendrore e LDK-së, te Qafa, ora 11:00)

- Art and Community Center - Artpolis mban konferencë për medie lidhur me organizimin e edicionit të 6-të të festivalit më të madh feminist në Ballkan, FemArt. (Rings Restaurant, ora 12:00)

- Kryeministri Ramush Haradinaj mban konferencë për media. (Ndërtesa e Qeverisë, ora 13:00)

- Mbahet "Kumihimo Workshop"! në të cilen Hoko Tokoro, prezanton teknikën tradicionale Japoneze të quajtur Kumihimo, për krijimin e gërshetave me ngjyra nga fijet e mëndafshit. (Ambientet e Muzeut të Kosovësora 13:30)

- Lëvizja Vetëvendosje! do të organizojë tryezën e titulluar "Zgjidhja nëpërmjet zgjedhjeve", ku do jenë të ftuara subjektet politike në Kosovë. (Ambientet e Kuvendit, ora 11;00)