Prishtinë, 25 tetor - Policia e Kosovës ka bërë të ditur se Drejtoria për Hetimin e Trafikimit me Qenie Njerëzore, dje rreth orës 11:00, në Fushë Kosovë, pas një hetimi të bërë ka arrestuar katër persona të dyshuar për veprat penale ‘trafikim me njerëz’ Neni 171 dhe ‘shërbime seksuale’ Neni 231.

Si vazhdimësi e hetimeve intensive nga njësitet relevante policore, sot me 25 tetor, është arrite të identifikohet edhe i dyshuari i pestë me radhë, me dyshimin e bazuar për përfshirje në të njëjtin rast të trafikimit me njerëz.

Personat e arrestuar lidhur me këtë rast janë: I. K. i lindur me 1993; Xh. B. i lindur me 1962; A.   A. i lindur me 1999; B. G. i lindur me 1995 dhe Sh. P. i lindur me 1949.

Me këtë rast janë identifikuar edhe dy viktima të mitura, të cilat dyshohet se janë shfrytëzuar nga të dyshuarit e arrestuar për shërbimet seksuale.

Dy viktimat pas intervistimit janë trajtuar sipas procedurave standarde të veprimit, për asistim dhe mbështetje të viktimave.

Lidhur me këtë rast, me vendim të prokurorit katër të dyshuar janë dërguar në mbajtje për 48 orë, kurse e dyshuara A.A. e mitur është dërguar në mbajtje për 24 orë.