Prizren, 27 korrik - Policia e Kosovës në Prizren njofton për një incident zjarri në një lokal në fshatin Nebrogosht.

Hazir Berisha, zëdhënës i Policisë në rajonin e Prizrenit bën të ditur se rreth orës shtatë të mëngjesit viktima ishte informuar nga fqinjët se në lokalin tregtar ushqimor  “ICOLI”  në këtë fshat kishte  shpërthyer zjarri.

“Ndihmesë në shuarjen e zjarrit kanë dhënë fqinjët dhe familjarët. Janë djegur katër frigoriferë dhe inventari. Po ashtu janë dëmtuar edhe gjërat ushqimore nga tymi e flaka”, thotë Berisha.

Ndryshe, vlera e dëmit vlerësohet rreth 8000 euro. Hetuesit policorë në bashkëpunim me ekspertin për hetimin e shkaqeve të zjarrit po punojnë për zbardhje e rastit.