Gjilan, 14 shtator - Familjarët e Sinan Mujës, gjilanasit të vrarë në Irak, këshillojnë të rinjtë kosovarë që të mos marrin rrugë për në tokën arabe, ngase ato janë rrugë të paqarta.

Bashkëshortja e Sinanit bashkë me fëmijën kanë ngelur në Siri, derisa ekspertët e teologjisë bëjnë thirrje të mos shkohet në Siri

Sinani fillimisht kishte gënjyer familjen se po shkonte në Mal të Zi për të punuar, ai kishte lëshuar edhe mjekër.

Sinani ishte larguar nga Kosova sot një muaj, bashkë me bashkëshorten dhe vajzën e vogël 3 vjeçare.

Familja thotë se më vonë kishin folë në telefon dhe u kishte treguar se ndodhej në Siri.

Deri ditën e djeshme, kur ai u vra e gruaja me vajzën mbetën të vetme atje. Madje gruaja e Sinanit e kishte parë edhe kufomën e tij.

/Kosova Sot/