28 Mars 2024

OSBE-së trajnon policinë e Kosovës

Prishtinë, 22 gusht - Një trajnim i avancuar pesë-ditor i organizuar nga Misioni i OSBE-në në Kosovë, për dhjetë pjesëtarë të Njësisë për Mbrojtje të Afërt të Policisë mbi praktikat e mira gjatë transferimit të personave të arrestuar që kërkohen nga Kosova apo ndonjë juridiksion tjetër, ka përfunduar në Lipjan me 22 gusht 2014.

Trajnimi ka qenë vazhdim i një kursi bazik i mbajtur në nëntor të vitit të kaluar, dhe është përqendruar në transferimin e të burgosurve me rrezikshmëri të lartë nga dhe për në Kosovë, dhe ka përfshirë ushtrime praktike dhe simulime.

“Qëllimi kryesor i këtij trajnimi ka qenë zhvillimi i njohurive brenda Policisë së Kosovës pasi që këta pjesëmarrës do të kenë për detyrë të ofrojnë trajnimin e njëjtë për oficerët e tjerë që do të caktohen në këtë njësi në të ardhmen,” tha Dushko Zavishiq, Drejtor i Departamentit të Sigurisë Publike në Misionin e OSBE-së në Kosovë.

Kurrikula e trajnimit ka mbuluar bazën ligjore për transferimin e personave të arrestuar; operacionet e transferimit me automjete, autobus dhe aeroplan; masat e sigurisë si dhe teknikat dhe metodat për taktika defanzive dhe ofanzive para, gjatë, dhe pas transferimit.

Misioni i OSBE-së në Kosovë ka për mandat mbrojtjen dhe promovimin e të drejtave të njeriut dhe komuniteteve, demokratizimin dhe zhvillimin e sektorit të sigurisë publike. Misioni ofron trajnime të avancuara dhe të specializuara për agjencitë për zbatim të ligjit.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)