28 Mars 2024

Lunacek shpreh përkrahjen e saj të mëtutjeshme për Kosovën

Prishtinë, 20 prill - Kryeministri i Republikës së Kosovës, Isa Mustafa, priti sot në takim europarlamentaren Ulrike Lunacek.

Kryeministri Mustafa e njoftoi për progresin e vazhdueshëm që po arrihet në Kosovë, duke theksuar prioritetet e Qeverisë së Kosovës, që kanë për qëllim zhvillimin e qëndrueshëm ekonomik, punësimin dhe mirëqenien, sundimin e ligjit dhe shtetin ligjor, luftën kundër krimit të organizuar dhe korrupsionit, agjendën evropiane, reformat thelbësore në arsim dhe në shëndetësinë bashkëkohore.

Kryeministri Mustafa theksoi përkushtimin e fuqishëm të Qeverisë së Kosovës në proceset euro integruese.

Kryeministri po ashtu veçoi rëndësinë që ka për Kosovën nënshkrimi i Marrëveshjes së Stabilizim Asociimit dhe nevojën për liberalizimin e vizave për qytetarët e Kosovës.

Europarlamentarja Ulrike Lunacek vlerësoi progresin në Kosovë, duke shprehur përkrahjen e saj të mëtutjeshme për Kosovën.

Kryeministri Mustafa dhe europarlamentarja Lunacek biseduan edhe për proceset që lidhen me njohjen e Kosovës nga 5 vendet e mbetura të BE-së, përafrimin e Kosovës me ligjet dhe me standardet e BE-së, si dhe tema të tjera të rëndësishme.

 

Kalendari

Ngjarjet e datës 8 gusht 2023

 - Partia Demokratike e Kosovës, mban konferencë për media. (Selia Qendrore e PDK-së, ora 11:00)

 

 - Ministria e Kulturës, Rinisë dhe Sportit, organizon shfaqjen e filmave “I Pabesi” dhe “Heshtja Vret”. (Kino “Armata”, ora 20:00)