19 Nëntor 2017

Veteranët të pakënaqur me Ligjin për kategoritë e dala nga lufta

Prishtinë, 26 korrik - Veteranët e luftës së Ushtrisë Çlirimtare të Kosovës nuk do t’i presin gjatë institucionet për realizmin e kërkesave të tyre që nuk janë përfshirë në Ligjin për vlerat e luftës.

Ata kanë paralajmëruar se nëse deri në muajin shtator nuk marrin përgjigje për kërkesat e tyre atëherë do të organizohen në forma të ndryshme që t’i mbrojnë interesat e tyre.

Kryetari i Organizatës së Veteranëve të Luftës së UÇK-së (OVL-UÇK), Muharrem Xhemajli, ka thënë për “Epokën e re” se ka marrë premtime nga kryeministri i Kosovës, Hashim Thaçi, se pas verifikimit të numrit të veteranëve do të bëhet plotësim-ndryshimi i këtij ligji dhe do të inkorporohen kërkesat e kësaj kategorie.

Megjithatë, sipas tij, durimit të kësaj shtrese do t’i vijë fundi nëse deri në shtator komisioni për verifikimin e veteranëve dhe komisioni për amendamentimin e ligjit për vlerat e luftës nuk i kryejnë punët e tyre. “I kemi paralajmëruar edhe Komisionin për Verifikimin e Veteranëve, Invalidëve dhe Dëshmorëve dhe Komisionin për Amendamentimin e Ligjit për Vlerat e Luftës së UÇK-së se do të presim deri në shtator, e nëse nuk fillojnë të punojnë dhe të bëjnë zgjidhje, organizata e veteranëve, në krye me mua, do t’i marrë të gjitha masat për mbrojtjen e interesave, përfshirë këtu protestat, demonstratat dhe format e tjera të shprehjes së pakënaqësisë”, ka thënë Xhemajli për “Epokën e re”.

Megjithatë, ai ka deklaruar se veteranët besojnë dhe presin se deri në atë kohë institucionet do të merren me interesat e tyre.

“Pas gjitha këtyre kemi kontaktuar me Qeverinë dhe kemi marrë pretimet prej kryeministrit dhe disa ministrave se kërkesat e veteranëve do të inkorporohen në ligjin aktual. Pra, do të bëhet plotësim-ndryshimi i ligjit aktual. Për këtë gjë është krijuar edhe një komision, i cili është duke punuar dhe dihet se në të njëjtën kohë është themeluar edhe Komisioni për Verifikimin e Veteranëve, Invalidëve dhe Dëshmorëve të UÇK-së”, është shprehur ai, duke shprehur pakënaqësi me mospunën e këtij komisioni.

I pari i veteranëve ka shtuar se Komisioni për Verifikimin e Veteranëve, Invalidëve dhe Dëshmorëve të UÇK-së, i cili është formuar që një kohë të gjatë, ende nuk po e kryen punën e vet për të cilën është ngarkuar nga Qeveria e Kosovës.

Presidentja veproi keq

Kreu i veteranëve të luftës së UÇK-së është shprehur i pakënaqur edhe me veprimin e presidentes së Kosovës, Atifete Jahjaga, e cila nuk e ka kthyer ligjin për këto kategori në Kuvend për ndryshim siç kishin kërkuar veteranët, po e ka lënë të hyjë në fuqi edhe pa nënshkrimin e saj.

Xhemajli ka thënë se me moskthimin e këtij ligji në Kuvend presidentja e vendit, Atifete Jahjaga, nuk e ka luajtur rolin e saj unifikues. “Ne i kemi dhënë mendimet tona në lidhje me këtë ligj qysh prej aprovimit të tij në Qeverinë e Kosovës, pastaj edhe nga presidentja kemi kërkuar mos ta nënshkruajë këtë ligj, por ta kthejë edhe një herë në rishqyrtim në Kuvend, mirëpo ajo nuk e ka bërë një gjë të tillë dhe nuk e ka luajtur rolin e saj unifikues”, ka thënë ai
.
Xhemajli ka përsëritur edhe një herë se për këtë kategori ligji i porsa hyrë në fuqi është i papranueshëm, pasi me të veteranët e luftës së UÇK-së nuk fitojnë asgjë. “Kemi pasur edhe vërejtje të tjera, jo vetëm te çështja e veteranëve. Vërejtjet tona kanë qenë edhe tek periudha kohore e luftës, ku kufizohet lufta vetëm në vitin 1998-1999, pastaj kemi pasur vërejtje edhe për mënyrën se si trajtohen dëshmorët dhe invalidët si raste sociale”, ka deklaruar Xhemajli.
 

Kalendari

Ngjarjet e datës 19 Nëntor 2017 - Kryetarja e KQZ-së, Valdete Daka do të votojë në Prishtinë ku me pas votimit do të jap deklaratë për media për fillimin e votimit për kryetar në 19 komuna dhe rivotimin për kryetar të komunës së Parteshit. (Qendra e Votimit 1907E në Fakultetin Teknik, ora 07:00)

- Komisioni Qendror i Zgjedhjeve mban konferencën e parë për media lidhur me hapjen e qendrave të votimit në Republikën e Kosovës. (Qendra mediale të KQZ-së, ora 8:00)

 - Kongresmenit amerikan, Eliot Engel do të vizitojë qendrën e thirrjeve të Demokracisë në Veprim. (Qendra për media e DnV-së në Hotel Sirius, ora 9:00)

- Deputeti i i Lëvizjes Vetëvendosjes, Albin Kurti  voton Fakulteti Juridik  të Universitetit te Prishtinës. (Qendra e votimit 1913E, Vendvotimi - 1913E/03R , ora 9:00)

- Kongresmeni amerikan, Eliot L. Engel do të vizitojë Komisionin Qendror të Zgjedhjeve, ku do të pritet nga anëtarët e KQZ-së dhe me pas do të japin nga një deklaratë para gazetarëve. (Selia e KQZ-së, ora 9:20)
 
- Demokracia në Veprim mban konferencën e parë për media lidhur me hapjen e vend votimëve. (Qendra për media e DnV-së në Hotel Sirius, ora 9:30)

- Kandidatja e PDK-së për kryetare të Komunës së Mitrovicës, Valdete Idrizi, voton në shkollën fillore “Çajupi”. (Mitrovicë, ora 9:30)

- Kryetari i Komunes se Gjilanit, Lutfi Haziri voton në shkollën fillore “Abaz Ajeti”. (Gjilan, ora 9:45)

- Kandidati i i Lëvizjes Vetëvendosjes për kryetar të Gjilanit Sami Kurteshi voton në Gjilan. (Shkolla fillore "Selami Hallaqi", ora 10:00)

- Kryeministri i Republikës së Kosovës, Ramush Haradinaj me bashkëshorten Anita Haradinaj, do të votojnë  në Shkollën e Mjekësisë “Ali Sokoli”. (Prishtinë, ora 10:00)

- Kryetari i Prishtinës, Shpend Ahmeti voton në Shkollë fillore "Faik Konica". (Qendra e votimit 1903E, Vendvotimi - 1903E/01R, ora 10:00)

- Kandidati i i Lëvizjes Vetëvendosjes për kryetar të Prizrenit Mytaher Haskuka voton në Prizren. (Shkolla e mesme  "11 Marsi", ora 11:00)

- Kandidati i i Lëvizjes Vetëvendosjes për kryetar të Podujevës, Ajet Potera voton në Podujevë. (Shkolla fillore “Naim Frashëri”, ora 10:00)

- Kandidati i i Lëvizjes Vetëvendosjes për kryetar të Kaçanikut, Basri Kodra voton në Kaçanik. (Shkolla Fillore “Emin Duraku”, ora 10:30)

- Kryetari i Lëvizjes Vetëvendosjes Visar Ymeri voton në Shkollen fillore "Faik Konica" ne Prishtinë. (Qendra e votimit 1903E, Vendvotimi - 1903E/09D në objektin e shkollës, ora 11:00)

- Komisioni Qendror i Zgjedhjeve mban konferencën e dytë për media lidhur me pjesëmarrjen në votime dhe për procesin zgjedhore deri në ora 11:00. (Qendra mediale të KQZ-së, ora 11:30)

- Zëvendëskryeministri i Kosovës, Fatmir Limaj do të votojë në shkollën fillore Faik Konica. (Prishtinë, ora 12:00)

- Aleanca për Ardhmërinë e Kosovës, do të zhvilloj konferencën e rregulltë për media. (Salla e Mediave në Selinë Qendrore të AAK-së, ora 12:00)

- Kandidati i i Lëvizjes Vetëvendosjes për kryetar të Kamenicës Qëndron Kastrati voton në Kamenicë. (Gjimnazi “Ismail Qmali”, ora 12:00)

- Lidhja Demokratike e Kosovës në Gjilan mban konferencën e radhës për media. (Selia e LDK-së, ora 12:00)

- Demokracia në Veprim mban konferencën e dytë për media lidhur me mbarëvajtjen e procesit te votimit. (Qendra për media e DnV-së në Hotel Sirius, ora 14:00)

- Komisioni Qendror i Zgjedhjeve mban konferencën e tretë për media lidhur me pjesëmarrjen në votime dhe për procesin zgjedhore deri në ora 15:00. (Qendra mediale të KQZ-së, ora 15:30)

- Aleanca për Ardhmërinë e Kosovës, do të zhvilloj konferencën e rregulltë për media. (Salla e Mediave në Selinë Qendrore të AAK-së, ora 16:00)

- E Diela e tretë e muajit Nëntor shënon Ditën Botërore për Përkujtimin e Viktimave në Trafikun Rrugor me c'rast behët ndezja e qirinjëve, në nderim të viktimave të cilët kanë humbur jetën në aksidente trafiku. (Teatri Kombëtar në Prishtinë, ora 17:00)

- Demokracia në Veprim mban konferencën e tretë për media lidhur me mbarëvajtjen e procesit te votimit. (Qendra për media e DnV-së në Hotel Sirius, ora 19:00)

- Komisioni Qendror i Zgjedhjeve mban konferencën e katertë për media lidhur me pjesëmarrjen në votime dhe për procesin zgjedhore deri në ora 19:00. (Qendra mediale të KQZ-së, ora 20:00)