Moskë, 6 mars -  Moskë - Zyrtarë rusë kanë kritikuar ashpër gjigantët e ushqimeve të shpejta të SHBA-së, Coca-Cola dhe McDonald's, për, siç kanë thënë, prodhime jo të shëndetshme.

Një ndihmës i kryeministrit rus, Dmitry Medvedev, ka sulmuar kompanitë për produkte “super-kalorike”.

“Marketingu agresiv që ato bëjnë – e që nuk ka të bëjë asgjë me traditën tonë të kuzhinës – mund të krahasohet me luftë kundër popullit”, ka thënë Gennady Onishchenko.

Kritikat vijnë në kohën kur Rusia dhe Shtetet e Bashkuara kanë marrëdhënie të tensionuara për shkak të krizës në lindje të Ukrainës.