Pekin, 27 tetor - Autoriteti i Aviacionit Civil të Kinës ka ndaluar mbajtjen e smartfonëve "Samsung Galaxy Note 7" në avionët kinezë, për shkak të rrezikut të mundshëm të një shpërthimi.

Madje këta smartfonë nuk lejohen as në valixhet e dorës së pasagjerëve.

Kjo masë pasoi shumë raste paralajmërimi dhe ndalimi nga autoritetet dhe linjat e fluturimit nga e gjitha bota për Note 7.

Autoritetet në SHBA, Kanada dhe vendet e tjera aziatike njoftuan ndalimin e Note 7 pasi disa nga këto pasjisje morën flakë ose shpërthyen si pasojë e defektit.